幸屋

营业中

休息中

哇，好大隻吉列炸蝦， 仲要係11吋長😍今日落場又要諗食乜嘢🥹行過呢間拉麵店，就入去試吓，睇完Menu後，見到呢個吉列炸蝦拉麵好吸引，就叫左試吓一開始店員攞咗杯熱水旁邊有茶包，我覺得都幾好，如果有啲人唔飲茶嘅就可以飲熱水，喜歡飲茶嘅就可以放茶包🤙🏻當店員攞個拉麵上枱嘅時候，我忍唔住碌大對眼👀哇咗一聲，隻蝦真係好大！吉列蝦面頭有少少七味粉配上沙律汁，真係啖啖肉！湯底係蕃茄加醬油，都幾開胃，仲有啲木耳絲，筍，溏心蛋做配料，配拉麵味道好夾😋小食雞皮餃子：問店員原來係佢哋自家製，用雞皮去包住啲豬肉，䓤同埋菇，然後點上餃子汁，呢個真係好好食