滿屋日本料理 (大鴻輝(荃灣)中心) (已結業)

近日朋友向我推荐呢间满屋日本料理，佢系一间日式放题餐厅，有好多等级选择，我拣咗最贵嘅D餐，每位$588。虽然唔系平，但系食物选择好多，份量丰富，真系物有所值。以下推介几款必点菜式:海胆刺身 🦪 - 佢嘅鲜味同口感真系一流，海胆一d都唔腥，入口即化，仲要可以任食，我地加埋可能每人食左一板都有🤣大拖罗刺身/中拖罗刺身🍣 - 刺身新鲜肉质鲜美，大拖罗肉质软嫩，油脂丰富。中拖罗厚切肉质较弹牙，两者各有优点😁松叶蟹脚🦀 - 简单而好味嘅选择，蟹脚食落去有少少咸嘅海水味，肉质鲜美，呢啲自助餐物有嘅菜式估唔到放题食到。香煎鹅肝🦆 - 佢哋煎得恰到好处，外脆内软，如果有块多士夹住食就更正！矶煮鲍鱼/炖花胶🦪 - 矶煮鲍鱼煮得好淋，加上佢哋嘅甜甜地嘅酱汁，好入味。炖花胶系用优质厚实嘅花胶炖制而成，胶质十足！