影片
更多
2006-12-31
26 浏览
今日小学旧同学约BBQ,最初话去天水围,但我睇完食评知道好差,之后另一旧同学话小榄,但其他旧同学又话远,仲话系日头先好玩。之后贪近决定去呢度喇!元朗集合至八点半齐人,我冇车坐埋旧同学车,两部七人车不到五分钟到达,入到去有敞大免费停车场,有专人指示泊车后,我约十人浩浩荡荡入场。今日、明日及后日都加价,今日成人由平日$58元加至$88元,三岁以上小童及老人,由平日半价加至$68元。包一支水及汽水换领卷一张,凭卷可换各式汽水一支。今次系我咁多人,第一次帮衬,平日我车经过,已经觉得几多人帮衬,而且一两年前呢度仲系士多时,我已经同朋友帮衬过饮茶,当时饮完茶仲借水喉及洗洁精洗车,现场人士态度十分友善。去食物时,感觉食物款式都几多,但食物不便之处,就系要用纸碟装载食物,每只纸碟只能够摆甚少食物,如果烧烤炉离食物处太远话,来回距离就好似太远啦!仲有冇鸡扒、蒜茸及鱼柳等就尚为不足。但食物新鲜,腌制食物味道好不太浓又唔唔错。仲有凉茶、渣热糖水、卷装厕纸、牛油、蜜糖、杯碟、透明手套、胶叉及蔬果不停供应及添加,确实好多其他烧烤场唔可以相比。另外场内有好多部大电视,现场直播有及无线各台节目,亦有现场转直播足球赛
张贴