影片
更多
2018-01-19
1005 浏览
同事约我收工去 Happy Hour，话公司将会大地震，要爆料俾我知。来到旺角黑布街，这区近来开了几间新酒吧。见到呢间门外放咗两个假人，咁搞鬼，仲话系主打卖时下流行嘅手工啤和本土食物。好! 争取时间唔好四围行，就呢间。酒吧细细，座位唔算多，装修都几舒服。最特色系，周围都挂咗好多上世纪八、九十年代嘅相，同时，播放著八、九十年代的广东流行歌，好有怀旧feel。呢个世界唔净只谢柠檬有12道锋味，呢间酒吧都有，仲大多佢12道: 12 款味道嘅手工啤 + 12款 “本土” 小食。听完酒吧职员细心讲解完各款啤酒的酿法、味道和各款小食的制法之后，我哋最终点了 【3号啤酒: 毅行者 $78】、【4号啤酒: 冰山雪莲 $78】、【风骚鱿鱼 $78】、【小西湾军师鸡 $88】和【脆猪pizza - 鱼香茄子 $128】同事开始爆料，原来大老板个细仔同三女在外国读完书，依家返来入主董事会，掌管埋重要部门，好快就会有大行动。𪠳! 我仲以为系咩料咁巴闭，原来都系碎料。以前大小姐、二小姐都有试过入主董事会，玩唔够两年，嫌辛苦，就唔继续玩。依家，通常都系见佢哋两个上报纸、上电视，到马场、去Ball场、去慈善show
见到呢间门外放咗两个假人，咁搞鬼，仲话系主打卖时下流行嘅手工啤和本土食物。
好! 争取时间唔好四围行，就呢间。
酒吧细细，座位唔算多，装修都几舒服。
最特色系，周围都挂咗好多上世纪八、九十年代嘅相，同时，播放著八、九十年代的广东流行歌，好有怀旧feel。
呢个世界唔净只谢柠檬有12道锋味，呢间酒吧都有，仲大多佢12道: 12 款味道嘅手工啤 + 12款 “本土” 小食。
听完酒吧职员细心讲解完各款啤酒的酿法、味道和各款小食的制法之后，我哋最终点了 【3号啤酒: 毅行者 $78】、【4号啤酒: 冰山雪莲 $78】、【风骚鱿鱼 $78】、【小西湾军师鸡 $88】和【脆猪pizza - 鱼香茄子 $128】同事开始爆料，原来大老板个细仔同三女在外国读完书，依家返来入主董事会，掌管埋重要部门，好快就会有大行动。𪠳! 我仲以为系咩料咁巴闭，原来都系碎料。以前大小姐、二小姐都有试过入主董事会，玩唔够两年，嫌辛苦，就唔继续玩。依家，通常都系见佢哋两个上报纸、上电视，到马场、去Ball场、去慈善show，不知几爽。
啤酒、食物到，费事再听佢废噏。
【3号啤酒: 毅行者】: 色泽较黑。正如酒吧职员所讲，酿造过程中，啤酒是经橡木浸发过的，所以是苦中带有些木的酸香和焦糖的甘味，饮落又几特别㖞。【4号啤酒: 冰山雪莲】: 色泽较浅，麦味几重，苦味之中又有些生果味。都好饮。
问过酒吧职员，点解食物系无虾条、薯片、芝麻八爪鱼、花生、香肠𠮶啲平时必食嘅嘢? 佢话呢开设呢间酒吧嘅背后理念系要推广本土嘢，啤酒是本土手工啤，食物都要系渗入本土feel，例如: 【艇家煎蛋肠粉】、【碗仔翅啤酒冷面】、【鸡同鸭“港”】和【冷脆黑目耳】等等都是充满本土feel 之作。
【风骚鱿鱼】: 一大只鱿鱼切开，香料腌制，上粉酥炸，香脆可口，有少少辣，
最好味其实系鱿鱼须。
【小西湾军师鸡】: 鸡件是用料8种不同香料腌制，所以味道特别。
外层脆脆，鸡肉嫩嫩。
再点埋个甜酸辣汁来食，更加好味。
【脆猪pizza - 鱼香茄子】原来个底唔系pizza饼底，而系用脆猪仔包，切薄，然后将鱼香茄子和芝士放在上面再焗。
芝士好多，拉极都唔断。好玩!
鱼香茄子味道适中，配芝士，原来都几夹。
我哋听住啲旧歌，一路饮一路食，就转咗话题: 想当年。只只都系金曲，草猛、Beyond、关淑怡、郑秀文、黎明、王杰……，连已顾陈百强只深爱著你都有，不其然，觉得时间过得好快，家驹、Danny仔都走咗廿几年，九十后出世的都廿几三十岁。香港呢廿几年都好似无咩进步过，反而祖国就越来越强大，唏嘘感到本土就越来越渺小。如今，唯有饮下本土手工啤，食下本土小食，尽量把唏嘘感驱走，cheers!
张贴
