影片
更多
2024-09-28
1185 浏览
说话Café Kool 嘅自助餐，无论港香同九香都食过几次，但系5星酒店都要出外卖饭盒，应该啲生意都真系差到唔救市唔得。本身老公上网见到啲宣传系$88，可惜一个唔小心中咗COVID，留喺屋企休息咗一个星期，再出去买已经变咗$128。本著点都要试嘅心态，我老公每款叫咗一个。佢哋个外卖饭盒分咗三款，肉类、海鲜、素食。佢哋网站上面称之为盲盒，讲到明盲盒，即系无指明有咩𩠌喺入面啦。问过佢哋嘅员工，都话系厨师们喺厨房随心准备嘅，所以都唔知入面有啲咩㖞。（个人觉得系吹㗎啫，说话我问佢肉盒入面𠮶个系红酒烩牛腩？佢系即刻答到我𠮶个系牛𦟌嚟嘅😂）总之我哋买完三个饭盒就满心欢喜归家去啦。可惜，一打开个盲盒，真系差啲粗口都飞埋出嚟！😂佢个素食盲盒，一打开，一大格放嘅系印度茴香饭，用嚟食咖哩𠮶啲。上面细格又真系搭咗一个马萨拉咖哩，不过唔辣，系有个突出少少嘅蕃茄酿芝士再加啲青椒咁。另外𠮶一格系无乜汁嘅红烧豆腐四条。其实$128买个素嘅咖哩饭我真系无问题。问题在于佢个咖哩得两啖，佢个饭有一大盒。而茴香饭系干身啲用黎送咖哩嘅，无咖哩真系唔知点放入口。仲要加一个无汁嘅豆腐，如果我系单点呢个饭，我谂我真系食唔到。去间专
本身老公上网见到啲宣传系$88，可惜一个唔小心中咗COVID，留喺屋企休息咗一个星期，再出去买已经变咗$128。
本著点都要试嘅心态，我老公每款叫咗一个。
佢哋个外卖饭盒分咗三款，肉类、海鲜、素食。
佢哋网站上面称之为盲盒，讲到明盲盒，即系无指明有咩𩠌喺入面啦。
问过佢哋嘅员工，都话系厨师们喺厨房随心准备嘅，所以都唔知入面有啲咩㖞。
（个人觉得系吹㗎啫，说话我问佢肉盒入面𠮶个系红酒烩牛腩？佢系即刻答到我𠮶个系牛𦟌嚟嘅😂）
总之我哋买完三个饭盒就满心欢喜归家去啦。
可惜，一打开个盲盒，真系差啲粗口都飞埋出嚟！😂
佢个素食盲盒，一打开，一大格放嘅系印度茴香饭，用嚟食咖哩𠮶啲。上面细格又真系搭咗一个马萨拉咖哩，不过唔辣，系有个突出少少嘅蕃茄酿芝士再加啲青椒咁。
另外𠮶一格系无乜汁嘅红烧豆腐四条。
其实$128买个素嘅咖哩饭我真系无问题。
问题在于佢个咖哩得两啖，佢个饭有一大盒。
而茴香饭系干身啲用黎送咖哩嘅，无咖哩真系唔知点放入口。
仲要加一个无汁嘅豆腐，如果我系单点呢个饭，我谂我真系食唔到。
去间专门食咖哩嘅舖头，先唔好讲使唔使$128 一盒饭，至少我肯定我兜咖哩汁够送饭啰😑
素食盲盒
$128
50 浏览
0 赞好
0 留言
再讲海鲜盲盒，又系一个唔买好过嘅组合。
有2件炒蟹（应该系成盒入面最贵嘅𩠌）、一只虾同两旧鱿鱼炒嘅荷兰豆、同一个豉油皇海鲜炒面。
戒口中嘅我，两件蟹由老公包办，无听佢弹，但系都无赞，应该都系正常发挥。
荷兰豆就⋯只能够讲，我估计唔到佢系做中式𩠌嘅海鲜饭盒，至少都煎旧100克嘅鲈鱼吖😮💨
好啦，系我要求太高🥲
个豉油皇炒面先九唔搭八，仲要啲虾系一开二，虾身同虾尾切开嚟炒嘅（？满头问号？？）
其实好老实讲，呢啲急冻海鲜值几多钱？计成本都唔使悭到咁，仲要有半盒系个面，真系多谢晒。
虽然佢个豉油皇炒面系几香，但真系未揾到$128 嘅价值啰。
海鲜盲盒
$128
62 浏览
0 赞好
0 留言
到最后一个肉盒。
唯一觉得值得比$128 食佢嘅一个。
首先个牛𦟌份量好充足，调味都唔错。
加埋个炸鸡，虽然得几件，但系都皮薄，冻咗都叫做Juicy。
最后系个法式焗薯批，因为本人好钟意食呢样嘢，同西餐都夹嘅，系个调味甜咗少少，但都唔太差。
据闻佢哋个肉盒系无淀粉质嘅（呢个都系个职员讲嘅），但系我哋最终三个盒都有淀粉质。
只系肉盒嘅淀粉质份量系最恰当。
肉类盲盒
$128
24 浏览
0 赞好
0 留言
但真心，无可能叫咩盒佢都比淀粉质我㗎嘛，啲𩠌嘅份量又少，叫个两𩠌饭都无咁嬲。
今餐$384 个人就觉得完全唔值，如果有下次，应该会净系叫肉盒。
留多句言比个餐厅，如果你哋希望救市，希望有生客黎捧场，咁你哋呢个外卖盒就应该大方啲，比人试到你哋好食嘅嘢，而唔系比人睇到你咁计较。
你哋话有客人反映唔够饱，唔够饱唔系用淀粉质塞满客人个胃，而系啲𩠌嘅份量应该多少少。
你做$88 一个就话无乜利润啫，你做紧$128 一个㖞，你确定应该出半盒白饭比客人？
你哋真系当自己$35 两𩠌饭咩。
评分（5😋满分，😬为0.5分）：
食物：😋😋（啲分全部比个肉盒嘅）
环境：😋😋😋😋
抵食程度：😋😬 （啲分都系比个肉盒嘅）
张贴
