東寶小館 (已搬遷) 新店位置

如果一大班朋友去食饭，最好就拣d可以坐到成围人既地方去食，炒小菜就最好不过了，拣左去北角市政大厦度食晚餐，上到去食东宝，唔洗等位好快坐低左，而家呢个市政大厦好多外国游客黎食，佢地自己会揾个area播歌，好好气氛。叫左七个小菜，十四碗白饭，椒盐尤鱼松脆可口，唔会太油又唔会炸得太干身，炸粉唔会太厚。黑椒薯仔牛柳粒最正最惹味系佢个黑椒味，有少少辣，薯仔好林身但唔会太溶，反而咬落好有口感，牛肉粒大大粒，但唔硬身，送饭一流。鱼香茄子煲一摆低系枱面上，已经闻落好香，出晒烟热辣辣，成个鱼香茄子酱好好味，唔会太咸又唔会太淡。豉油皇炒面面质弹牙，d面应该经过冷河所以先会特别弹牙，豉油都好均匀咁布满晒系所有炒面之上，唔错。啫啫鸡煲本身我个人唔食猪润，但呢个鸡煲整得好好味，尤其是d猪润，好入味，令到我食左好多猪润，d鸡件好惹味又唔干身，朋友捞左2碗饭食。京都猪扒茄汁酸味岩岩好，配落d新鲜猪扒度好夹，炒得好香口，猪扒唔会太多骨，反而佢肉多。咸蛋蒸猪肉咸蛋唔会话太咸，呢款菜送饭都几开胃。