新星海鮮酒家 (已結業)

早轮做特价既象拔蚌真系好掂，好大条，$138 任拣1条，最后拣左1条长到好似个keyboard 咁长既，切起都有成大盘~~~~~d 蚌白白地黄黄地，片片都好薄，透明得来仲要晶莹剔透，一睇就觉得好新鲜！仲有日本芥，可以当刺生咁食，佢地用既豉油都系日本豉油，唔似其他咁又系比返生抽老抽你，唔想生食去拖一拖水又食得，如果唔系d 师傅切得够簿，一定做唔到拖一拖水就食既效果。但不论生食定拖水食，都觉得佢好鲜甜！！！有同事话呢只系加洲蚌，又有同事话系墨西哥，而我就唔系太识，只系知佢d肉好甜好好味$138 抵到爆，我谂佢成本都超过 $138 劲抵食，不过已经系过去式了~~ lol 因为个推广已经完左。希望快d 有下一轮。至于呢间野本身系二宜楼，以前放工都会同d 同事食半价宵夜小菜，不过家阵冇左呢d 推广，换来火锅店都系好事，见到楼下有一个食评话佢地用旧餐具，我隔左成个几月至去帮衬，但一d 都唔觉得系旧时二宜楼d 用具......而且服务员仲好整齐好有礼貌，我相信到左冬季，我同d 同事都会成日去新星火锅。