牛舞日本燒肉‧涮涮鍋放題 (利舞臺廣場)

营业中

休息中

依间放题系结合咗烧肉同刷刷锅两种体验，而且主打任食萨摩和牛放题，食品种类有达141款。萨摩和牛拼盘拣咗套餐A之后，会先嚟一个萨摩和牛拼盘，可以先试一试各种唔同嘅部位。萨摩牛系嚟自本鹿儿岛嘅顶级和牛，肉质鲜红、脂肪分布均匀油花丰富，牛肉香气浓郁，入口即溶。10多款海鲜当中最突出嘅一定系甲罗烧，蟹壳里装满蟹膏，一路烧香气涌现。另外白鳝、矶煮鲍鱼、虎虾都值得一试。串烧方面除咗大路嘅鸡软骨、豚肉、羊肉之外，一啲比较特别嘅部位都有得任食，例如鸡尾、鸡颈肉、鸡横膈膜等。熟食喺等待食物煮熟之间有多款前菜、炸物、饭面供选择，新鲜热辣嘅脆皮乳鸽系最惊喜嘅，食落皮脆肉嫩，香嫩多汁。另外自助吧有各款火锅材料，例如蔬菜丸类等，仲有精致嘅甜品同雪糕雪条同各式饮品。