太平飯店 (已結業)

依排已经路过左几次，但系都系见到出面都有人排队，所以都觉得唔想排队，今日咁岩见到冇乜人排队，于是马上就趁依个机会黎试下依间潮州野。一行两人，食唔到太多野，我地叫左两味𩠌，一个系白灼鹅肠，另外一个就系叉烧捞面。白灼鹅肠唔算独有，坊间都有唔少食店有提供，最紧要都系新鲜鹅肠，灼得刚刚好，然后点一下酱汁就系最正风味。依间嘅鹅肠，系我食过嘅，可以排系top 3 ，鹅肠有热气冒起，超级爽脆，并唔会太肥，口感同味道都正。另外一个嘅捞面就系无心之选，叉烧睇到个色泽同肥瘦比例系靓叉烧，食落香软。而冇估到嘅系捞面铺左大量嘅白芝麻，令到个面香左好多。面身爽，捞得均匀，是意外之喜。可惜两个人嘅饭量有限，本来有意欲食多啲其他野，但最后都系冇肚食。今次食落个质素颇有惊喜，下次可能会再黎 : )。