影片
更多
2014-12-29
312 浏览
小弟后生个年代，好流行有种猜枚叫「十五二十」，依家应该无乜人会玩，后生一辈应该都唔知喺乜，其实好佩服谂猜枚玩法啲人，好多都唔使咩道具就玩到，好似「黑芝麻、白芝麻」咁。过往，小弟都有幸出席过「开饭喇」嘅开年饭聚，通常都会晌农历年过后设宴款待一众殿堂 / 资深会员，但今年就搞得好似猜枚咁即兴，年尾突然收到邀请，距聚会日都唔够两个礼拜 。原来，喺因为想就番「开饭喇」嘅「15」周年生日日子 ，选址喺由瑞士钟表品牌Franck Muller开设之新派中菜馆「Eighteen Sharp」。不经不觉，原来自已加入咗「开饭喇」超过7个年头，查实「殿堂」、「食家」都喺一啲虚衔，懂食嘅大有人在，比起「识食」，我更钟意人话我「惜食」或「适食」多啲 。一路以嚟写食文都喜欢口语化，除撑吓广东话之外，觉得亲切啲，好似跟朋友分享美食，此外，食文用字尽可能都唔会又中又西，用得到中文就用中文形容，不过，有啲广东音字还望大家指正指正 ！餐厅面积不算大，但装潢富丽堂皇，瑰丽有格调，金黑对衬，金光闪闪，多盏大型水晶吊灯，一柜名酒，一室高级西餐厅格局，之不过喺中菜饭局。除装修靓，以顶级食材入馔，揉合中西元素，不拘一格
不经不觉，原来自已加入咗「开饭喇」超过7个年头，查实「殿堂」、「食家」都喺一啲虚衔，懂食嘅大有人在，比起「识食」，我更钟意人话我「惜食」或「适食」多啲 。一路以嚟写食文都喜欢口语化，除撑吓广东话之外，觉得亲切啲，好似跟朋友分享美食，此外，食文用字尽可能都唔会又中又西，用得到中文就用中文形容，不过，有啲广东音字还望大家指正指正 ！
餐厅面积不算大，但装潢富丽堂皇，瑰丽有格调，金黑对衬，金光闪闪，多盏大型水晶吊灯，一柜名酒，一室高级西餐厅格局，之不过喺中菜饭局。除装修靓，以顶级食材入馔，揉合中西元素，不拘一格，菜式创意与手工兼备，亦喺其另一卖点。
虽然喺一餐中菜，但却用刀叉为多。餐单一早印备好放在碟面，一共8道菜：1道五前菜拼盘、5道主菜、1客乌冬及1客甜品，单从菜名，大概了解到用料之精，大厨嘅心思。
五前菜 打头阵喺以5款前菜作为一道小拼盘，分别有荔枝荷兰串茄、乳香白肉卷、黑松露松茸松叶蟹脚、沙律菜烧汁牛肉卷、桂花腰果，每一款都做得精致的骰，听完个做汰讲解，尽见心机处处。
荔枝荷兰串茄 - 串茄去皮，以荔枝磨蓉再浸三日，入口荔枝味浓香清爽，甚有份子料理嘅感觉；
乳香白肉卷 - 将猪肉切成薄片，卷住萝卜，香煎上碟，惹味而有啲脆口，有少少意外惊喜；
黑松露松茸松叶蟹脚 - 蟹脚有少少偏咸，却好香黑松露味，面上有点松茸菇，爽爽脆脆；
沙律菜烧汁牛肉卷 - 金菇肥牛卷嘅清新版，整体较平实，无惊喜，反而底下嘅蜜饯菠萝片好味；
桂花腰果 - 以桂花蜜沾满腰果再焗，既清甜，又香脆。
五前菜：荔枝荷兰串茄、乳香白肉卷、黑松露松茸松叶蟹脚、沙律菜烧汁牛肉卷、桂花腰果。
53 浏览
0 赞好
0 留言
极为幽雅嘅菜名，亦喺一道手功嘅菜式，酿鸡翼算唔上好特别，但去骨去肉就好讲功夫。鸡翼炸得金黄饱满，一咬甘香脆口，绝不油腻，而鸡翼之内，酿满燕窝，真喺塞到爆咁滞，够晒贵气，不过，个人而言，口感上欠少少肉感 。至于伴碟嘅沙律菜及鱿鱼紫菜，既可清清味蕾，又能减减「热气」感，此外，酸酸辣辣，其食味又不俗。
黄金凤翅藏玉液
31 浏览
0 赞好
0 留言
法芥籽柠蜜焗海虾 第三道为海鲜菜式，卖相清新简单，但质高味优。大海虾肉厚鲜爽，虽据介绍喺以法式芥末籽、山葵、清酒、蜜糖……等调汁腌焗，但味道颇有泰式风味 。而侧旁嘅炸紫蕃薯丝，幼细香脆，又好有蕃薯味。
法芥籽柠蜜焗海虾
18 浏览
0 赞好
0 留言
一向都钟意饮炖汤，滋润保暖嘛，一道「黑蒜花胶炖雪雁」，以黑蒜、花胶、蜜冬、雪雁……炖足5个钟，虽然色泽深沉，却喺浓香不俗，清润保健。当大家睇到食材之一「雪雁」，都议论纷纷喺乜，食友上网一查，维基百科嘅描述喺鸭科雁属嘅鸟类，相信讲完都唔知喺乜，我估大概类似喺鹌鹑、鹧鸪之类嘅细雀吧 ！
黑蒜花胶炖雪雁
23 浏览
0 赞好
0 留言
依道菜明显比较西式，但何谓「BB骨」未有解释，因为睇落跟一般见到嘅猪肋骨大细都喺差不多。猪肋骨先以香草腌足一日，再焗，入口肉质颇松化，香草味突出；而伴碟嘅红桑莓配菠萝蓉莲藕片，新鲜感十足，味道清怡，啱啱好中和浓味嘅猪肋骨 。
香草焗BB骨
17 浏览
0 赞好
0 留言
香草焗BB骨
24 浏览
0 赞好
0 留言
调味较少，以品尝食材原味为主，油泡螺片口感烟韧富嚼劲，螺肉鲜味，不过，嫌唔够热辣，送到上枱只喺微暖；至于莴笋丝则丝丝爽脆，清甜爽口。
油泡螺片莴笋丝
24 浏览
0 赞好
0 留言
澳洲和牛番茄浓汤乌冬 以日本稻庭乌冬制造，乌冬非常滑溜，汤底以鲜鸡汤为主，唔似猪骨汤咁重味，但浓香鲜甜 ；两片薄切澳洲和牛肉，脂香软腍，的确用料上乘 。
澳洲和牛番茄浓汤乌冬
22 浏览
0 赞好
0 留言
养生茶白玉丸子 晚宴尾声，都喺时候上甜品，养生茶喺加咗杞子、大粒红枣、玫瑰干花嘅姜汤，跟身旁食友同感，就喺超辣 ；还好嘅喺两大粒汤圆外皮搓得软糯柔绵，烟韧唔黏牙，内馅唔喺咩大路嘢，而喺南瓜蓉及芋头蓉，颇有新意 。
养生茶白玉丸子
22 浏览
0 赞好
0 留言
整晚菜式卖嘅都喺讲用料同精致，而份量有啲偏少，犹幸食友嘅关爱，再送上多一碗汤乌冬俾小弟垫肚 。因为场地嘅问题，只能以长枱款客，倾偈亦只好跟身边食友交谈，而座椅重而一张拍一张，亦唔太方便出出入入，跟新知认识认识，跟旧雨打个招呼。建议开饭仝人再搞嘅话，可摆上几围大圆枱嘅菜馆会更合适 ！
张贴
