影片
更多
2025-02-04
433 浏览
咕吱嘅新年假期终于放完✌🏻，开学前同佢去间高级餐厅，食返餐好，为佢打打气😚（实情系 庆祝妈妈me time重临🤪）「法式点心放题早午餐」优惠价$1️⃣5️⃣8️⃣一位，已经可以任点任食22款咸点同甜点，加少少钱仲可以享用 #威灵顿牛 同各款意粉；加上餐厅楼底高，窗外远眺尖沙咀城景同九龙公园，相当开扬，坐得舒服，性价比高😙餐牌上面嘅食物大部份都至少order咗一次，事关Zaza同咕吱都劲开胃🤤咕吱短短几分钟就K.O.咗一个巨型牛角包同意大利陈醋车厘茄沙律🥗；之后再单人匹马食晒两碟黑松露流心蛋扁意粉🍝 咕吱话：牛角包够热，好松软，满满牛油香；沙律菜爽口，陈醋酸酸甜甜，好开胃；意粉挂汁，蛋味浓Zaza就最欣赏招牌龙虾汤流心牛角包🥐同手工威灵顿牛柳🐂前者满满龙虾汤汁从牛角包喷出，但牛角包外层仍然松脆🥰 后者由酥香外皮包裹住肉质鲜嫩又多汁嘅牛柳，层次感丰富Creamy嘅 #法国鸭肝酱 涂抹喺脆香嘅多士上面，两种口感同时出现😚；飞鱼子蟹膏千层酥好香口，配搭冰冻新鲜嘅飞鱼籽和蟹膏，都系Zaza嘅推介💁🏻♀️白汁忌廉空运蓝青口同凤尾虾橄榄椒丝蒜片扁意粉都值得一试～食咗咁多咸点，系时候食甜点啦‼️ 特浓牛奶软雪糕牛角
「法式点心放题早午餐」优惠价$1️⃣5️⃣8️⃣一位，已经可以任点任食22款咸点同甜点，加少少钱仲可以享用 #威灵顿牛 同各款意粉；加上餐厅楼底高，窗外远眺尖沙咀城景同九龙公园，相当开扬，坐得舒服，性价比高😙
餐牌上面嘅食物大部份都至少order咗一次，事关Zaza同咕吱都劲开胃🤤
咕吱短短几分钟就K.O.咗一个巨型牛角包同意大利陈醋车厘茄沙律🥗；之后再单人匹马食晒两碟黑松露流心蛋扁意粉🍝
咕吱话：牛角包够热，好松软，满满牛油香；沙律菜爽口，陈醋酸酸甜甜，好开胃；意粉挂汁，蛋味浓
Zaza就最欣赏招牌龙虾汤流心牛角包🥐同手工威灵顿牛柳🐂
前者满满龙虾汤汁从牛角包喷出，但牛角包外层仍然松脆🥰 后者由酥香外皮包裹住肉质鲜嫩又多汁嘅牛柳，层次感丰富
Creamy嘅 #法国鸭肝酱 涂抹喺脆香嘅多士上面，两种口感同时出现😚；飞鱼子蟹膏千层酥好香口，配搭冰冻新鲜嘅飞鱼籽和蟹膏，都系Zaza嘅推介💁🏻♀️
白汁忌廉空运蓝青口同凤尾虾橄榄椒丝蒜片扁意粉都值得一试～
食咗咁多咸点，系时候食甜点啦‼️ 特浓牛奶软雪糕牛角包好IGable🤳，事关巨型牛奶雪糕挤喺牛角包上，再放喺金色铁架之上，卖相高贵；雪糕奶味香浓，牛角包外皮有少少微甜嘅砂糖，食落好夹🫶🏻
开心果千层酥、爆炸糖三层朱古力蛋糕、芒果慕丝蛋糕、法式焦糖炖蛋、松露蛋挞、法式马卡龙都令咕吱食唔停口👍🏻👍🏻
张贴
