臨記車仔麵 (已結業)

临记推出了16蚊的粉面，前排的就系鱼蛋粉了，堂食16蚊，外卖就加1蚊，所以我有时都会买返屋企食，用完的外卖碗仲可以留返带饭返工时，一物二用。今次我就买左一碗鱼蛋粉返去了，虽然系16蚊，系其实一啲都唔细碗，对一个女仔嚟讲一定够饱，男仔就当然睇返食量啦，佢有两粒鱼蛋，仲有鱼片、鱼片头同埋鱼皮，料方面都真系丰富，潮州白鱼蛋虽然未必有人地手打个啲咁弹牙，但系弹牙程度都ok。至于河粉都几多，对我嚟讲都够饱，汤底方面个鱼汤都几清甜好味，配河粉真系一流，而且就算外卖佢系会分碗，不怕返到屋企河粉索晒汤而胀晒，当然鼓励大家用外卖盒尽量循环再用，或自携外卖盒去购买。而鱼皮佢地都系另上的，所以唔会淋左，不过我个日个包鱼皮就好明显有新有旧，因为有一块同啲碎比较淋，但另外两块就卜卜脆，明显唔同味，好味好多。