日本料理とん勝 (已結業)

呢间日本餐厅并唔起眼，门口好窄，只得一本餐牌，仲要系地牢。不过当时餐牌展示咗呢碗北海道小樽海鲜丼，非常吸引，所以就入咗去啦！呢碗海鲜丼并无令我失望，虽然价钱有啲贵，但质素好高，每款刺身都好鲜甜，尤其是系吞拿鱼，入口是超级香，海胆同鱼子份量亦好足够，咁多款刺身入面，我觉得三文鱼未够油香，其他都超正！同埋佢个醋饭粒粒都非常饱满，口感烟轫。另外餐牌以外仲有一个拉面吉列猪扒饭套餐，只是$168就已经有拉面，吉列猪扒，沙律，茶碗蒸，芝麻。佢嘅拉面可以选择猪骨汤同盐味，最后我就拣咗盐味。佢个汤底加左柚子，咸得来好清香，面质弹牙，清爽唔肥腻。而佢嘅吉列猪扒皮薄酥脆，猪肉厚实多汁，洒上芝麻之后超级惹味！