川莊

营业中

休息中

今日去朗豪坊市集，顺便打算用埋上次张$200现金券，所以同朋友再次黎帮衬，门口见到做紧推广，叫酸菜鱼加$168就可以加一只辣爆龙虾，于是乎，我地叫左个酸菜鱼，加左只龙虾，仲叫左个辣嘅肉碎生菜包，酸菜鱼一如以往，味道刚刚好，鱼肉嫩滑，底配嘅薯粉吸晒酸菜嘅味道，非常开胃惹味，跟住龙虾黎到，一啲都唔细只，相信街市买都要百四五蚊，所以觉得非常抵食，味道仲好好味，重点系唔太辣，好味！呢个生菜包好似去食泰国菜咁，但味道比泰国菜果个干身好多，包住生菜包黎食，辣味出晒黎，口感清新！抵赞！至于服务方面，啲员工都几好礼貌，当晚食左差唔多2个钟，见佢门口有人等位，但都无埋黎叫我交台，可能而家生意难做，不过都值得再次帮衬。我同朋友食得都非常饱👍🏻👍🏻👍🏻👍🏻👍🏻