影片
更多
2018-08-12
1962 浏览
妈妈生日，今次家姐发板揾左我地好少食既泰国菜。半个月前已经订定位，最正上到去话我地无订到？？？好彩6:30黎到仲有大把位，不过就限时90分钟。✨一行8人，张长枱都几大几阔落，坐得舒服，野食都黎得好快。✨泰式沙嗲鸡串（$28) : 个鸡烧得几嫩，保留肉汁而唔会干争争，点埋沙嗲酱好惹味，不过我好怀念泰国果时食到劲重花生味既沙嗲酱，香港仲未揾得番。伴碟有我最like 既酸萝白，青瓜粒，不过呢个我觉得酸得济。✨鲜虾炒金边粉（$128): 每次食泰国野必叫，因为全家都唔系好食辣野，又要饱肚都会叫d 面饭。👍🏻加分位系佢加左炸蒜片同炸到脆卜卜既虾干，几香口几特别。金边粉有咬口得黎唔会过韧，虾肉爽弹，又好难唔好食。✨炸虾饼（$88): 虾饼好食啊，金黄松脆～不过我觉得可以再弹牙d~~呢个唔系点酸辣酱，而系点梅子酱，不过个人钟意酸辣酱多d✨菠萝海鲜炒饭（$136): 望落超多海鲜劲吸引～有大粒青口，虾，带子同鱿鱼圈，我剩系食左带子都几鲜味。 炒饭入面有提子干，菠萝，腊肠，加埋腰果肉松，味道好丰富。✨软壳蟹椰香青咖哩（$148): 因为叫左酥饼，所以叫左个青咖哩点下。本身唔食得辣，所以都觉得几辣，软
✨一行8人，张长枱都几大几阔落，坐得舒服，野食都黎得好快。
✨泰式沙嗲鸡串（$28) : 个鸡烧得几嫩，保留肉汁而唔会干争争，点埋沙嗲酱好惹味，不过我好怀念泰国果时食到劲重花生味既沙嗲酱，香港仲未揾得番。伴碟有我最like 既酸萝白，青瓜粒，不过呢个我觉得酸得济。
✨鲜虾炒金边粉（$128): 每次食泰国野必叫，因为全家都唔系好食辣野，又要饱肚都会叫d 面饭。
👍🏻加分位系佢加左炸蒜片同炸到脆卜卜既虾干，几香口几特别。金边粉有咬口得黎唔会过韧，虾肉爽弹，又好难唔好食。
鲜虾炒金边粉
46 浏览
0 赞好
0 留言
✨炸虾饼（$88): 虾饼好食啊，金黄松脆～不过我觉得可以再弹牙d~~呢个唔系点酸辣酱，而系点梅子酱，不过个人钟意酸辣酱多d
✨菠萝海鲜炒饭（$136): 望落超多海鲜劲吸引～有大粒青口，虾，带子同鱿鱼圈，我剩系食左带子都几鲜味。 炒饭入面有提子干，菠萝，腊肠，加埋腰果肉松，味道好丰富。
菠萝海鲜炒饭
28 浏览
0 赞好
0 留言
✨软壳蟹椰香青咖哩（$148): 因为叫左酥饼，所以叫左个青咖哩点下。本身唔食得辣，所以都觉得几辣，软壳蟹几好食，但系辣到唔系好食到椰香味，个汁用黎捞饭应该会几正。
✨青柠梳打（$45): 辣到要即系叫杯野饮，本身想要咸柠七，冲口而出讲左青柠梳打😑。呢杯野真系劲酸x_x 成45蚊，早知㨂其他野饮。
✨酥皮（$28): 估唔到一块都几大几抵食，食落好松化唔油腻，拎黎点青咖哩正㖞。
酥皮
$28
22 浏览
0 赞好
0 留言
✨泰东北特色猪软骨（$118): 呢个类似生菜包既菜式， 猪软骨比较干身，一粒粒食落口感有d 似鸡软骨， 连埋花生，青柠粒，姜粒，红葱粒，辣椒一齐食。 开头唔知青色果条系辣椒，一咬条利辣到痺左😑本身又唔食姜粒，所以剩系包左其他， 一食粒青柠就好酸，所以唔系好啱我口味，
不过屋企人话所有野包晒落去系好食的。
✨每人围起太约百五蚊多d, 野食大部份都几好食。我地带左蛋糕去， 切饼费要$100都几甘😖~ 最搞笑个饼唔知雪左去边，劲耐先拎到出黎，好彩90分钟时间真系啱啱好。
张贴
