呂錦記手撕雞專門店 (皇后大道西)

营业中

休息中

呢日喺上环做完嘢，行过见到有间排队手撕鸡店，大红色招牌好抢眼，闻到好香，顺便买个外卖返屋企加𩠌。餐厅系外卖店，有外卖一人餐最抵，$48有手撕鸡、有小食、有饭仲有饮品！真系亲民佛心价钱。手撕鸡都有多款味道选择，有经典原味、川香味、香辣味、麻油味、五香花生味、西域孜然、天府藤椒、印度魔鬼等等。仲有古法制作的花胶水晶鸡、虫草花水晶鸡同天府香辣水晶鸡。小食都唔少得，有鸡瓜、鸡腿骨、中华沙律、五香花生、鸡肾、鱼皮同鸡亦。真系将只鸡煮得十八般吃法。我买咗半只手撕鸡试下，真系唔错，手撕得细腻、皮薄，皮嫩肉滑。下次经过会再买。