平成二十二日本料理 (已結業)

成日话食日本野，但系日本野有咁多种，一日又可以食到几多呢乙我可以好老实咁样话俾自己听，自己系眼阔肚窄。。所以系我谂爆头嘅时候，朋友就已经决定咗去食日本放题啦，乜嘢都有得食，唔使嘈，唔使烦，哈哈。首先想来个刺身，呢度用嘅虾，唔系用甜虾而系用好似成只手咁大嘅海老，好新鲜，好爽口。我眼望望左好耐，点解隔离枱会有龙虾刺身食，但刺身纸上面系冇得点嘅呢？我初头以为系另外自费，争d想食到喊出嚟，哈。点知龙虾刺身就系我隔离出现啦！原来系做紧优惠，每位四个人就可以送一只龙虾刺身，超抵啊。啲肉好爽，好正，好感动呀！送完龙虾就再送埋个海胆，仲要系成板嘅海胆，原来每逢两个人惠顾就会有一板海胆送架啦！好满足啰！呢个冲绳苦瓜炒蛋又几好食㖞，苦瓜炒蛋炒出嚟啲蛋一啲都唔老，而且上面仲有啲好似中式豆豉鲮鱼嘅豆豉，咁样捞埋落去个炒蛋，咸味显得相当惹味。仲有天妇罗，呢度嘅天妇罗比较多款式，选择除咗平时比较常见嘅番薯，芋头，洋葱之外，仲会有粟米，多春鱼等等。特别推介系粟米天妇罗，粟米超甜。一场嚟到再试试个火锅，一个人加20蚊就可以任食。配料几多选择下，最重要梗系有我最爱嘅肥牛bb喇！食到甜品啦，甜品全部放喺个雪条柜𠮶度，除你