星薈

营业中

休息中

最近有个朋友旅行嚟香港玩几日，我呢个做小导游嘅就揾咗间酒楼，带佢试下我哋嘅中餐啦。呢间酒楼可以饱览维港景色，又可以顺便比佢欣赏埋幻彩咏香江，酒楼有室内同室外座位，不过呢啲天气，相信无咩人会坐室外😅 拍蒜青瓜酸酸辣辣🥒，加咗蒜头同麻油，味道醒胃，作为餐前小食非常之适合。 百味豆腐表面炸到金黄色，外脆内软，口感好滑。 海老汁龙虾🦞：龙虾新鲜弹牙，加埋海老汁，味道更鲜甜。份量适中，每人一细份，食完唔会太饱食唔到其他嘢。 腐乳菌翡翠炒带子：蜜糖豆饱满，炒得油光翠绿，带子好大粒，口感柔软。 清蒸海星斑🐟：蒸嘅时间恰到好处，鱼肉新鲜嫩滑，加埋啲蒸鱼豉油鲜味更上一层楼。 炸子鸡皮脆肉嫩🐔，食落有咸香，非常juicy。 羊肚菌杞子浸菜苗🥬：啱啱食完啲浓味嘅𩠌菜，清清哋食番个菜苗，白菜苗吸收晒上汤汁精华，份外鲜美👍。 甜品系寿包，大大个，啲莲蓉馅唔会太甜，仲有原个咸蛋黄添！ 红豆沙有好香陈皮味，煲到起晒沙。