天機棧扒房 (已結業)

天机栈唔系地铺，都揾咗阵先揾到呢间餐厅，但一上到去，发现餐厅都已经好多人，完全估唔到。须搭lift上餐厅，成层都系餐厅既，所以占地都几大，几宽敞! 而食物价钱非常便宜，难怪吸引咗咁多人黎。头盘系海鲜: 有蟹柳,虾同蚝，一向钟意食高级蟹柳，呢个蟹柳岩晒我食，而虾肉弹牙，证明好新鲜，而蚝亦不错，超出期望。食完头盘，仲有沙律同汤，汤我拣咗杂菜汤，味道一般。而沙律都够沙律酱，沙律菜爽脆新鲜，都几好食。Main course叫做西冷牛扒! 牛扒厚薄适中，已188套餐既超值价钱黎讲既超出期望，点左medium，食落好有肉汁，肉味都唔错，整体满意!最后既甜品拣咗红豆椰汁奶冻，味道上比较简单单一，唔会好腻，甜甜地不错。