Deer Kitchen (荃新天地) (已結業)

今次我地去左荃湾行街，荃湾劲多商场，又有d桥连住晒，行左劲耐，到左荃新天地我地就揾饭食，揾到呢间西餐厅见个set dinner唔错就入左去坐低啦😁间餐厅个装修整得几靓，其中有2张枱有个笼罩住咁几靓几特别，其他位都坐得舒服，依家讲下食物啦我地就食左set dinner for two ($438)，佢包一人一款前菜，我地拣左一碗是日餐汤，同另一个（+$10）黑松露意大利云吞，餐汤系一碗磨菇汤，够热几好味，而个云吞d酱好好味，香浓既黑松露酱，食落好creamy，加$10都抵👍🏻主菜就拣左意大利恶魔烤春鸡配脆薯条，呢个烤鸡比较特别，唔知大家去旅行有冇食过nandos呢间餐厅，呢度既全只鸡既切法好似，切成4件，两件鸡髀位，两件鸡胸位，佢烧得块皮好正，鸡肉咁样切法方便好多，好轻易自己切成一小件食，鸡肉都唔韧，仲要几滑，对呢个鸡几满意😋Pasta/risotto果边我地拣左香浓芝士烟肉烟斗粉，呢个粉好多芝士，除左个酱系芝士，仲有好多芝士碎加埋烟肉粒，烟肉碎，咸咸地好正呀😍 个烟斗粉质地偏硬少少，我韧韧地几好，不过呢样你因人而异🤪个餐仲有送两杯餐饮，我地拣左柠檬茶，佢块柠檬摆得好靓，好有渡假feel