熊小館

营业中

休息中

同老婆行megabox，晚餐上佢见到呢度唔多人唔洗等位，又多公仔🙄就话要入黎食。呢度都几多一家大细入黎食，可能成个场都好多熊仔啦，仲可以拎只大熊仔陪坐，（我地拎左只😝）童心未泯🤣🤣🤣点左个2人套餐，蛋黄酱焗鲜卢笋，岩岩焗起，闻落好香，食落啲笋好甘甜，正👍黑松露牛油熊仔牛柳扒，黑松露牛油整到个熊仔头咁，好靓，有啲忍唔住将佢切开😈😈。牛柳点左7成熟，咬落好淋，肉汁多，好鲜美😋😋不过嫌牛柳细旧左啲，如果大旧啲（多1安士都够）咁就perfect👍👍卡邦尼烟肉扁意粉，呢款意粉比较小食到，酱汁味都几香，加啲黑椒同芝士粉上去仲正😈😈😈加钱要2杯特饮，热情玫瑰有阵微花香，饮前要搅匀，如果唔搅，会太甜。清凉仲夏真系几清爽，薄荷始终系我最爱😍😝临尾叫左个甜品心太软，匙羹吉落去，啲朱古力酱就漏哂出黎。食落外热内软，几好食。忌廉都唔错，不过要快食，因为好影溶🙄，啲生果粒开头以为系芒果，食落先知系桃黎，几特别😋埋单4旧水，都唔算贵，仲可以望住下面啲人溜冰，几舒服。