熊本牛鍋 (永勝商業中心)

营业中

休息中

秋风一起，唔驶讲，啲friend一定系约打边炉🍲，今次拣咗间喺尖沙咀山林道楼上嘅熊本牛涮锅放题，2小时任食，我哋拣咗个美国安格斯极级牛小排放题，每位$248，价钱都算ok，最重要喺楼上舖，唔驶喺商场同人迫。朋友仔同我都唔系好食得辣，所以拣咗个木鱼昆布汤清清哋，好大块昆布呀，个汤都几甜！牛魔王开餐啦🐂，我哋疯狂地点牛，美国牛肩胛同牛小排都好新鲜，牛小排啲雪花纹整齐排列，油脂比例恰到好处，好有牛味，而且都好够嫩滑。除咗食牛之外，出面嘅自助 Buffet 吧都有多款特色丸类🍡、虾滑🦐、饺子🥟、有机新鲜蔬菜🌽🥬🥦及菇菌类🍄任食，仲有咖哩饭，炸鸡，不得不推荐下个炸鸡🐔，又香又脆，细细件，平时好少食炸鸡嘅我都忍唔住食完又再食😋😋😋！打边炉又点可以唔饮嘢呢? 🥤唔驶惊...有多款罐装饮品任你拣，仲有自家制凉茶-五花茶同夏枯草，可以唔驶咁热气，太贴心安排！最后，当然唔少得食番啲甜品🍧，有3 款口味Dreyer's雪糕任食🍦，有朱古力味、芒果味🥭、士多啤梨味🍓、同埋雪糕泡芙。