至尊重慶雞煲 (堅拿道西) (已結業)

之前系荃湾间分店食过，觉得几好食同几抵，今次因为朋友多数住在港岛区，所以去湾仔这间食。地方不大，我地6点半左右去到，所有自助小食仍然未有供应，侍应话7点才有，到7点时，就只有碗仔翅，拍青瓜，猪红同鸡脚供应，上次我去荃湾𠮶间，净系自助小食都超过十多款，甜品仲可以选即做班㦸，饮料品种也不及荃湾多，叫左中辣鸡煲，个汁有d沙爹味同埋有浓浓的豆豉味，鸡肉都有d鞋口，切得不太大件，我地5个人，份量就吾太多，至于火㶽配料，肥牛好好好肥灼完入囗冇乜牛肉味，炸鱼皮好香好脆口，牛骨膸系出面嘅火㶽任食就比较少见，鲜枝竹好似放左好耐，花胶仔就有d咬口不过浸得吾够淋身，即包菜肉饺料多肉汁丰富，猪膶几新鲜，灼一灼好爽口，即食碗仔翅就好多料，冬菇、肉𢇁、云耳，个味又调得吾错，加一些麻油，有个朋友食左3碗，猪红切得细细粒，个汁就辣辣地，好惹味，甜品系自取雪糕一杯，食左云尼拿、朱古力味，杯朱古力好似溶过再雪返咁。每位$158（全包），好一般，若然有机会再食，我一定去荃湾𠮶间，毕竟都系荃湾嘅食物比较多选择、新鲜及抵食。