Mr. Steak Buffet à la minute

营业中

休息中

对上一次Mr.Steak已经系几年前，搬咗新舖后一直想试，同老公结婚两周年，早一个月就订枱决定嚟呢度庆祝。餐厅设计舒适，客人无以前咁多，我哋被安排喺蚝吧对出窗口位。卫生方面无做足，午巿过后职员无将枱抹干净，有少少食物碎留喺枱，食物方面质素仍然高，即开生蚝由以往每位6只变3只，熟食款式多咗，整体满意。沙律吧选择不少。即开生蚝，师傅有礼貌，每次有客人拎都会大声讲多谢晒。蚝吧无以前咁出现长龙，蚝新鲜脆口。海鲜吧有面包蟹好多膏，涷虾无味，青口，蟹脚味道唔错，但无咩肉。新鲜嘅刺身每人可拣4款，寿司类精美味道好。鹅肝够大件肥美，炒和牛充满油香又唔会韧。羊架有少少过熟。烧三文鱼寿司有啲瘦，应用鱼腩，烧和牛寿司肉太薄。日本和牛寿喜烧，牛肉好滑，牛味浓，好味。各类熟食，不过不失，无惊喜。足料炖汤，清清淡淡几好，焗酥皮汤一般。精心嘅写字嘅心太软蛋糕，味道普通。各类甜品，奶涷系最好味，其他中规中矩。