Burger Home (已結業)

从朋友口中得知交加里Burger Home结左业，本来都几伤心、因为果度有素汉堡食…而且价钱亦好合理。我同朋友都成日去食、我地叫呢间店做「包包」。前排在公司附近、湾仔图书馆果条街揾到一间叫 “Burger Home 2.0”,相信系包包既化身，实在太挂住啦，一知佢开返即刻去食。 咦素食burger多左几款wo~多左素鱼柳包同埋芝士手打牛肉汉堡包,而且仲要配蜜桃酱添，咁吸引、点可以唔叫？！一个包入面居然有3大条素鱼柳!!!!!!!!!!!!!!!真系够晒抵食。个包实在大到我个口系食唔晒个包，所以我抽左一条素鱼柳出黎就咁食。一撕开又真系吓亲，d纤维同真既鱼柳又真系一样样，中间仲好Juicy添。之后再夹埋个包同其他料一齐食，发现所谓既蜜桃酱一d都唔出味、既唔酸又唔香完全食唔出用咩整。其实反而用最传统既青瓜沙律酱仲实际…我朋友就食芝士手打牛肉汉堡包同麦乐鸡，麦乐鸡个酱就确系好味！入面仲有一粒粒疑似蔬菜粒，口感都几丰富同相当开胃。继我话素鱼柳包应该改用呢个酱，事关衬煎炸野真系一流，100分呀!由于实在太好食，所以食晒D薯条都唔够喉。佢出面有好多酱可以俾我地选择，最基本一定系有茄汁、芥末同辣椒仔。