Grano Italiano (已結業)

一行八人，十二时正入去，铺头只有一枱客。坐低谂住叫嘢食，先知道原来系快餐，要喺柜面俾钱。去到柜面，个讲英文嘅姐姐完完全全当你透明。明白你人手唔够，我可以等，但你啲手脚可以快啲吗？个COMBO包啲乜，有啲乜嘢拣，落单𠮶个对个MENU一啲都唔熟悉。用咗大概15-20分钟，终于可以DIY个PIZZA 啦。由于 order 咗3个pizza，pizza counter个姐姐对于自己嘅作品非常投入，搞掂又用了15分钟，因为做个饼皮。入去大半个钟后，有得食啦 : PIZZA味道都几好，同其他餐厅差唔多。其他嘅嘢，我会用差嚟形容：啲汽水冇汽，chicken nuggest 淋PATPAT（麦记好食好多），头盘炸蓝仲有蟹＜钢＞，食落只系一旧炸粉。最癫系追咗四-五次，依旧被当透明, 个头盘炸蓝终于系1.5hrs后出现。老实说，如果你个pizza系全世界最好食嘅，或者我会接受咁嘅service。