影片
更多
2017-06-04
585 浏览
依间铺头真系成长回忆。好记得小学到中学嘅时候，成日扭计要妈咪买外卖俾我，𠮶阵时最钟意就系要佢个炸酱面，好记得佢个炸酱面系橙色甜甜嘅，10几蚊一碗，包一碗汤。由妈咪屋企行去，其实都要15分钟以上妈咪真系好锡我自从入大学住宿舍之后一直到而家10几年都冇食过。搬咗返大埔都两年几，自己屋企行过去其实只需要2-4分钟，最多都系试过买佢啲生饺打边炉。今日去大元邨街市买开𩠌，心血来潮就想食返。不过而家甜甜地就唔系太啱我，所以就叫咗个芥兰同墨丸鱼皮饺面。两样野加埋先至系＄38好抵！（佢冇单架，落时阿姐大叫，埋单就自己行去柜台，收银望一望就知你食咗几多钱，以前食面嘅感觉又系返晒来)虽然贵过以前好多，但相对其他粉面店佢依然好平，出边个面一定过＄30啦。其实本身就冇乜期望，只系想念旧，因为佢装修同当年都系一样。面上到嚟都系好平实个样…点知一饮个汤底…哇我细个真系唔识野！大地鱼汤黎㖞！仲有虾子味，绝对唔系味精底！面上边𠮶啲唔系只系葱，仲有韮黄啊！竟然冇因为成本问题减咗呢样野。连我自己都唔记得咗究竟几耐未见过汤面有韮黄！同细个食开嘅云吞面系一样架！今时今日人工又贵租又贵，食材成本都贵，依间铺头仲可以做到咁耐，我
好记得小学到中学嘅时候，成日扭计要妈咪买外卖俾我，𠮶阵时最钟意就系要佢个炸酱面，好记得佢个炸酱面系橙色甜甜嘅，10几蚊一碗，包一碗汤。由妈咪屋企行去，其实都要15分钟以上
妈咪真系好锡我
自从入大学住宿舍之后一直到而家10几年都冇食过。搬咗返大埔都两年几，自己屋企行过去其实只需要2-4分钟，最多都系试过买佢啲生饺打边炉。今日去大元邨街市买开𩠌，心血来潮就想食返。
不过而家甜甜地就唔系太啱我，所以就叫咗个芥兰
同墨丸鱼皮饺面。两样野加埋先至系＄38好抵！（佢冇单架，落时阿姐大叫，埋单就自己行去柜台，收银望一望就知你食咗几多钱，以前食面嘅感觉又系返晒来)虽然贵过以前好多，但相对其他粉面店佢依然好平，出边个面一定过＄30啦。
其实本身就冇乜期望，只系想念旧，因为佢装修同当年都系一样。
面上到嚟都系好平实个样…点知一饮个汤底…哇我细个真系唔识野！大地鱼汤黎㖞！仲有虾子味，绝对唔系味精底！
38 浏览
0 赞好
0 留言
面上边𠮶啲唔系只系葱，仲有韮黄啊！竟然冇因为成本问题减咗呢样野。连我自己都唔记得咗究竟几耐未见过汤面有韮黄！同细个食开嘅云吞面系一样架！
今时今日人工又贵租又贵，食材成本都贵，依间铺头仲可以做到咁耐，我估个老板一定系好聪明当年买咗铺，而且对出品有一定要求，又念旧照顾到啲街坊！虽然未见过老板，但我相信佢应该系一个好人黎。
讲番啲嘢食先，虽然而家唔系芥兰当做嘅时间，但依然几甜冇渣。
墨鱼丸唔系好弹牙果种，但墨鱼味浓，而且仲食到一粒一粒嘅墨鱼，依然有𡁻头。
鱼皮饺就好真材实料，平时自己都会买去打边炉，个皮好香滑，入面嘅肉新鲜多汁！加埋个汤底，性价比好高。面煮得都弹牙，虽然有少少碱水味，但系个汤底补返好多分。
又好食又抵食！我真系好嬲我自己，点解自己咁耐先返嚟食架！
张贴
