影片
更多
2023-05-06
173 浏览
《20磅超巨型桂花鱼酸菜鱼！》#eatwithpeach中菜讲到川菜，位于旺角朗豪坊12楼嘅川庄一定冇得输，敢讲系全香港最好食嘅平民川菜餐厅之一！餐厅主打各色各样嘅超大碗麻辣水煮鱼同酸菜鱼，每枱至少都会见到1-2兜。作为麻辣菜关注组成员，系门口等候入座时闻到川菜嘅麻辣辣香已经垂延三尺🤤🌟餐厅分为室内同室外两个部分。室内楼底高，地方宽敞，十分舒适，坐窗边位仲可饱览角夜景；室外嘅天花顶系朗豪坊嘅顶部，楼底比室内更高，地方比室内窄少少，夜晚灯光较室内暗，氛围较浪漫。💁🏻♀️招牌南充特色酸菜鱼---桂花鱼（无辣）$468餐厅所有水煮食物都有两种份量，包括珍宝(大)同例牌(小)。而呢道菜我地拣左珍宝。菜式份量非常巨型，瓦碗直径14寸，连汤带鱼同碗一共共有20磅，系20磅！！！桂花鱼连带鱼皮，滑得来仍然保留鱼肉纹理，绝不糊烂，加上肉质丰满，肥美弹牙，且细骨极少，真系值得一赞！配菜方面，酸菜咸酸度足够，茎部爽脆。另外，嗌一碗水煮食物可以拣4款配料，而我地拣左好烟韧嘅木薯粉、好爽口嘅金针菇同牛排、同爆芝嘅脆皮芝士肠。整体而言，食物烹调水平同质素非常好。💁🏻♀️成都水煮鲜鱼片（辣度：3个辣椒） $26
#eatwithpeach中菜
讲到川菜，位于旺角朗豪坊12楼嘅川庄一定冇得输，敢讲系全香港最好食嘅平民川菜餐厅之一！餐厅主打各色各样嘅超大碗麻辣水煮鱼同酸菜鱼，每枱至少都会见到1-2兜。作为麻辣菜关注组成员，系门口等候入座时闻到川菜嘅麻辣辣香已经垂延三尺🤤
🌟餐厅分为室内同室外两个部分。室内楼底高，地方宽敞，十分舒适，坐窗边位仲可饱览角夜景；室外嘅天花顶系朗豪坊嘅顶部，楼底比室内更高，地方比室内窄少少，夜晚灯光较室内暗，氛围较浪漫。
💁🏻♀️招牌南充特色酸菜鱼---桂花鱼（无辣）$468
餐厅所有水煮食物都有两种份量，包括珍宝(大)同例牌(小)。而呢道菜我地拣左珍宝。菜式份量非常巨型，瓦碗直径14寸，连汤带鱼同碗一共共有20磅，系20磅！！！桂花鱼连带鱼皮，滑得来仍然保留鱼肉纹理，绝不糊烂，加上肉质丰满，肥美弹牙，且细骨极少，真系值得一赞！配菜方面，酸菜咸酸度足够，茎部爽脆。另外，嗌一碗水煮食物可以拣4款配料，而我地拣左好烟韧嘅木薯粉、好爽口嘅金针菇同牛排、同爆芝嘅脆皮芝士肠。整体而言，食物烹调水平同质素非常好。
💁🏻♀️成都水煮鲜鱼片（辣度：3个辣椒） $268
水煮鱼方面，我地拣左例牌(小)，份量大概有差唔多珍宝(大)一半。鱼肉肉质虽然不及桂花鱼，但依然鲜嫩滑溜，配上数款花椒同辣椒调味，鱼片辣中带麻，麻中带香，非常入味。辣度方面，对食开谭仔小辣嘅小篇而言，3个辣椒已经辣到流鼻水，但辣得黎又好过瘾！配菜方面，所有材料都非常入味，麻香好重但辣到飞起，要食下停下再食。我地嗌左口感烟韧嘅水晶粉皮、超爽口弹牙嘅牛柏叶、既大条又厚实嘅嘅海带、同埋仍然保留肉汁嘅猪皮。除左辣得济之外，水煮鱼黎讲系小篇食过最好食之一。
💁🏻♀️甜奶迷你小馒头 $42
小馒头外型超可爱，每粒大概有1/4个馒头咁大，每人食两粒，可以满足下食炸馒头嘅口隐外，仲可以留多啲胃试其他菜！迷你馒头外表金呈黄色，炸得好靓。口感方面外脆内软，沾上冷冻嘅炼奶食，冰火交融嘅感觉，加上甜滋滋嘅味道，好正！如果食晒啲野仲有肚嘅话，一定会encore！！
💁🏻♀️醋香皮蛋豆腐 $39
皮蛋晶莹剔透，口感十分软绵；豆腐豆味突出，口感非常嫩滑。配上冰凉酸甜醋汁，令整到菜味道层次更上一层楼。冷盘前菜黎讲，开胃指数100分！
💁🏻♀️酸辣土豆丝 $39
又系一个非常开胃嘅冷盘前菜。酸辣度唔会好辣，几野味。土豆丝份量多，每条都好爽口，唔会溶溶烂烂。整体而言不过不失。
以上为6人聚餐所点嘅份量，因为珍宝份量嘅水煮菜式真系好大份，记得预翻大家食量点菜！另外，呢度嘅1300ml超巨型水果茶都好出名，个杯差唔多前臂咁长！小篇见好多枱客都有点，但我地冇😭黎紧去呢度食嘅朋友不妨一试！
😍整体评分
味道：🌟🌟🌟🌟🌟
价钱：🌟🌟🌟
环境：🌟🌟🌟🌟
服务态度：🌟🌟🌟🌟
instagrammable：🌟🌟🌟🌟
——————————————————————
川庄
旺角亚皆老街8号朗豪坊12楼12号舖
#美食 #香港美食 #旺角美食 #九龙区美食 #川菜 #川菜推荐 #水煮鱼 #酸菜鱼 #炸馒头 #中菜 #情侣好去处 #香港打卡 #打卡景点 #打卡餐厅 #拍拖好去处 #餐厅 #餐厅推介 #假日好去处 #食好西 #美食摄影 #hkfoodie #hkgirl
张贴
