麵三館 (已結業)

一间早排新开的餐厅, 竟然有咁多人做咁详细做既食评, 你话系咪鳝稿? 不愿致评. 公道自在人心. 为左证实一下, 自己真金白银走入去食下咪知.八月做优惠, 66折. 所以叫碗最贵黎试下, 贵为100一碗. 下午茶时段, 等左很快就上黎.试下个汤, 个汤实在过热, 收得过百蚊碗, 汤底过热, 一d都唔细心. 个汤应该热, 太唔辣口. 佢话牛骨汤, 但 1 d 牛骨味都食唔出, 换来既系鼓油味 (黑汤, 所以用鼓油???) 同似系罗汉果既甘味. 大佬, 我要食牛味, 你比个鼓油同回甘味把鬼? 个汤根本唔合格....再试个蛋面, 唔弹牙, un un 地, 但食落冇乜赵头, 硬硬下好似食一堆冇灵魂既面粉既感觉. 都系唔合格....再试个牛肉只系碌一碌, 我叫半熟. 非常新鲜, 有鲜甜味, 冇渣, 有淡淡既牛味, 极品. 而份量亦可以. 呢个牛肉起码80分......但系, 同系街市买返黎自既碌有乜分别?结论系碗野唔值一旧水, 间野要重新开发个汤底, 同换过面既供应商. 至于上面系咪收左钱写既, 自己心里有数啦