金祥排骨麵大王 (已結業)

经过几日公众假期密集式嘅饮饮食食之后，肠胃功能嘅发挥可谓七七八八，人亦变得懒散了许多，已经唁想在家中做任何事，亦唔想再到外面大吃大喝。所以太座建议到屋企附近嘅小食馆解决呢个晚餐。Openrice嘅搜寻功能，为我地揾食提供咗一个好方便嘅平台。按入我地想食乜嘢嘅资料，不一会就能列出一张清单。此店位于电车路一条横巷，位置人流稀疏，招牌亦唔突出，如果冇openrice都唔会专程嚟试食。看舖头外嘅宣传介绍，呢度嘅拿手菜色系排骨面同埋菜肉云吞面，太座与我分别order呢两款。排骨即系猪扒，有一层薄面浆放落滚油炸。面浆唔会太厚，唔会好似炸一团面粉般，猪扒本身亦冇用梳打粉腌松嘅痕迹，肉质保持适当嘅弹性同埋肉汁；至于菜肉云吞嘅云吞皮比较厚身，接近传统北方饺子嘅风格。面条粗粗的一定可以医饱个肚。嗜辣的不妨尽享这里提供嘅辣椒油、豆办酱同埋辣椒粉，加在上海面中捞埋一齐食非常可口。单拼面廿四蚊一碗。双拼(排骨加云吞)廿七蚊一碗，如果两个人一齐食，分别嗌单拼再捞埋一齐食更加化算。