影片
更多
2009-05-06
星期六，风和日丽，到九龙城探望荣升父母嘅K及G两公婆后，笔者与太座当然唔会错过难得嘅机会于九龙城「寻幽探秘」啦。多年前太座与友人曾到「小店」作客，极力推介，如今再度光临，身边换成她的丈夫。「小店」嘅格局有如一般港式西餐厅，灯光阴沉，布置亦谈不上有西式嘅典雅。惠顾嘅食客不少，所制造嘅多余声音也不少。中式餐馆比较嘈吵，笔者尚可接受，因为热闹(喧闹)系中式饮食文化一部份。相反，到西式餐厅应该要尊重西式饮食文化，即减少声量，用心欣赏食嘅过程。两口子，所能食嘅嘢唔多，只简简单单的叫了三道菜。凯撒沙津($46)：此沙津好多地方都可以食得到，但系要整得称心满意唔系间间做得到。呢度嘅沙津是水准之作，首先橄榄油及黑醋份量适中，唔会为求沙津有味而拼命落醋，令沙津变得太酸。令外，芝士只是轻微的下了少许，使入口冇咁heavy。以烘面包粒及炸烟肉点缀，使单调嘅蔬菜添上色彩。最重要系烘面包粒唔会因太硬而界口，大小适中，绝对胜任主菜之前醒胃之效。意大利风干火腿芝士蕃茄焗酿大鲜菌($78)：大鲜菌，即portabello，以蕃茄酿之，无可避免会因蕃茄受热出水而湿漉漉。笔者比较怕呢种食法，太座则十分喜欢。话虽如此，菇嘅
「小店」嘅格局有如一般港式西餐厅，灯光阴沉，布置亦谈不上有西式嘅典雅。惠顾嘅食客不少，所制造嘅多余声音也不少。中式餐馆比较嘈吵，笔者尚可接受，因为热闹(喧闹)系中式饮食文化一部份。相反，到西式餐厅应该要尊重西式饮食文化，即减少声量，用心欣赏食嘅过程。
两口子，所能食嘅嘢唔多，只简简单单的叫了三道菜。
凯撒沙津($46)：此沙津好多地方都可以食得到，但系要整得称心满意唔系间间做得到。呢度嘅沙津是水准之作，首先橄榄油及黑醋份量适中，唔会为求沙津有味而拼命落醋，令沙津变得太酸。令外，芝士只是轻微的下了少许，使入口冇咁heavy。以烘面包粒及炸烟肉点缀，使单调嘅蔬菜添上色彩。最重要系烘面包粒唔会因太硬而界口，大小适中，绝对胜任主菜之前醒胃之效。
意大利风干火腿芝士蕃茄焗酿大鲜菌($78)：大鲜菌，即portabello，以蕃茄酿之，无可避免会因蕃茄受热出水而湿漉漉。笔者比较怕呢种食法，太座则十分喜欢。话虽如此，菇嘅香味、蕃茄嘅鲜甜味及芝士嘅香浓味配合得算唔错，其中以蕃茄鲜甜味较为突出，风干火腿质素亦合格。要挑剔嘅话，只可说portabello唔够香。
香草焗乳鸰配鲜什菌意大利饭($118)：先讲饭，煮法源自意大利北部，饭粒颗颗结实有咬口，而且配以芝士，整个texture十分creamy。加上什菇粒嘅帮助之下，除咗有乳酪香味之外，还有菇嘅香味。水准可说是笔者食过最好嘅其中一间。至于乳鸽，外表烧得金黄，入口肉质鲜嫩滑溜，而且肉汁十分丰富，一点都没有在烹调中浪费掉。睇落份量小小，食完先知原来都几饱肚。此道菜令笔者留下深刻印象。
饭后看网上食评，才得知网友一致赞赏这里嘅甜品。笔者相信除咗甜品之外，仲有不少菜式都系「小店」嘅强项。
服务员态度亲切殷勤，但又唔会俾太大压迫感，而且结账不另收加一服务费，系一个得分点。
全单共银二百四十二蚊，平均每人一百二十一蚊，以这个大众化嘅价钱，可以享受这么出色嘅菜式，实在物超所值。
张贴
