冠泰海南雞飯泰國菜館 (已結業)

星期五，到炮台山接太座放工，太座提议到筲箕湾东大街展开寻找美食之旅。本地最受欢迎嘅地方食品，日式料理第一，其次就系泰国食品了。年前在东大街开业嘅「冠泰」，顾名思义主打泰国菜。参考表在墙上嘅宣传海报，太座与我选了海南鸡饭($40)、泰式猪脾汤河($33)及一碗细冬荫公(跟餐加$12)。海南鸡饭奉上时，鸡饭以金字塔形状奉上。外形只是其次，味道才可见真章。鸡饭入口有一阵淡淡的鸡油香味，食落对办。鸡肉皮比较厚，但肉质也算嫩滑；泰式猪脾炆得十分腍，肉质松化，而且皮厚入口有猪油嘅甘香，啖啖口感丰腴，十分讨好；冬荫公汤面上泛起一阵辣椒油，以辣油代替代辣椒及香茅等香料，只是一味靠酸，注定失败收场。用了去壳虾，虽然新鲜，但冇咗虾壳肴出嚟嘅鲜甜味。各自加一碟油菜($5)，共银九十五蚊，平均每人四十八蚊。笔者觉得此处嘅海南鸡饭比跑马地嘅「大少爷」更加好味。