甜品老媽 (已結業)

食完简单嘅泰国菜之后，太座与笔者被冇几远嘅甜品舖吸引，其招牌甜品系雪花刨冰。雪花冰配搭多样化，可选不同味道嘅冰底、生果、酱汁及其他配料如台式珍珠等。太座以绿茶冰底配上相同味道嘅酱汁，再加白珍珠及三色Q果。笔者则叫咗上元丸配姜汤。所谓雪花冰，口感似冇落牛奶嘅雪糕，亦即系似雪葩。Q果原应似台式珍珠般，甜甜地烟烟韧韧，但这里嘅Q果则像有色蒟蒻，一点甜味也没有。不过话说回来，这甜品有雪葩嘅效果，也是出色之作；上元丸与汤圆类似，馅料有芝麻、花生及糖冬瓜。上元丸外皮烟韧，馅料不太甜，不过似乎唔系几够香。姜汤清甜又带有轻微嘅姜辣味，十分暖胃。食物总体来说可算合心意，但座位高矮比较尴尬，坐得唔系咁舒服。雪花冰底廿五蚊，加配料七蚊；上元丸十六蚊五粒。共银四十八蚊，平均每人廿四蚊。