千口甘甜品屋 (已結業)

与madam于谭鱼头打完边炉之后，一伙儿往大坑一带食甜品，顺道与madam视察大坑一带嘅居住环境，为计划中嘅迁居做吓功课。月前试过了「小甜谷」，味道一般，这一次试了邻近嘅「千口甘」。此店名将「甜」字拆开，有点创意。甜品方面，主力系由台湾传入嘅雪花冰。雪花冰可配搭各类生果或珍珠/Q果等烟韧东西。笔者得店员极力推介，选了椰子雪花冰($32)；madam则叫了士多啤梨雪花冰($32)；太座因为要戒口，唔可以食咁多冻嘢，只可以食什果大菜糕($16)。椰子雪花冰果然冇介绍错，入口充满椰子嘅香味，有如食紧椰子雪糕，只不过冇落(或减了)奶而已，而且份量十足，如一座小山丘，与友人分享也可。至于士多啤梨味嘅雪花冰，效果差天共地。士多啤梨味不浓，部分雪花冰冰太多，而且味道有点人工，如以前甄占记嘅士多啤梨味雪糕。太座嘅大菜糕里加了黑珍珠，味道索然无味，要靠芒果汁调味。各种生果配料都系冰凉新鲜，果汁丰盈。店舖位处民声背后，半街边档。大热天时，坐在外边都几辛苦，还好部分座位受有限嘅空调作调节，会略为舒适。店员勤力，态度诚恳，值得鼓励。