Freshness Burger (已結業)

饭前甜品之后，为太座及肚内嘅BB揾嘢食。是晚太座似乎对包类食品兴趣特别浓厚，于是大家便往皇室堡品尝和风汉堡包Freshness Burger。虽说是日式汉堡包店，但售卖嘅都系正宗美式汉堡。笔者点了一客芝士汉堡套餐($57；单买$33，套餐加$12)，除咗芝士汉堡外，还有酿薯皮及柚子梳打。太座则叫了鸡柳汉堡套餐($49；单买$25，套餐加$12)。芝士汉堡材料丰富，除咗汉堡扒，仲有一大块洋葱、蕃茄、生菜及酸瓜酱。汉堡扒牛味十足，肉汁丰富可口，最难得嘅系面包本身唔会「干争争」，十分松软，唔系间间汉堡包店，包括红磡嘅「时新」可以做到，单以此包论，可以令笔者给满分。不过，太座嘅鸡柳汉堡未如牛肉汉堡般肉汁充沛，鸡柳太干身，味道亦欠层次感；酿薯皮外表炸得香脆，加上芝士及炸烟肉碎嘅特出味道，味道更可口；柚子梳则打平平焦奇。店内有几张梳化椅，坐得几舒服。夜市人流唔多，空间感大増；店员亦具备应有嘅待客之道。埋单共银一百零六蚊，平均每人五十三蚊，虽比「牡丹楼」，但付出嘅额外代价系值得嘅。