Freshness Burger (已結業)

前後食左兩次，第一次就食左三文魚堡+天葵茶餐($28)，仲送張$10coupon俾你再黎，第二次就食明治吉列漢堡+玉桂奶茶(價錢忘記了)，兩次感覺很好!三文魚堡很有三文魚鮮味，配上既日本醬汁很特別，同平時食burger完全不同! 天葵茶是熱飲，味道清淡，配合日本人飲食清淡原則。第二次食既明治吉列堡很新鮮熱辣，值得等! 玉桂奶茶味道很好，以前從未飲過呢種味道。雖然佢既漢堡價錢較貴而且份量不大，但係味道同新鮮程度比麥記好好多，很適合女孩子試試。個人認為佢既味道比mos burger更佳，值得推介。兩次去食都唔駛等位，幾好坐!

因為要學野 約左朋友教 我屋企又唔得 佢屋企又唔得 唯有約出街 一邊食一邊學因為BURGER癮起 諗起FRESHNESS 又好耐未食過 所以去食下 下午3點 人流唔多我叫左牛肉鮮堡 朋友叫左照燒牛依然覺得好味 我最鐘意生洋蔥 仲要係甜果種...回味 牛肉勁多汁價錢又唔貴 我會食多D

bought a raffle ticket from a friend recently and you know that there're coupons on the raffle tickets? there's one from freshness burger, where you get one free serving of crisscut fries after purchasing food over a total of $30. that was easy.we came here after watching a movie at the windsor palace. we're basically starving after the movie, no idea why though. only a few escalators down and there's the shop. we can't wait to get a decent burger bite.i guess it was still early when we arrived

since I got a free coupon for trying the beef burger, a random day I stopped by here to give it a try...well, we ordered a chicken burger set meal and used the coupon to get a free beef burger.Indeed, I was quite satisfied with the burgers here, not big in size though, quite thick and juicy in portion...it's nice to come here often for burger, fresh as it named

特登走到CWB食漢堡包，如果唔係男朋友想試真係唔會咁傻…不過，一試真係好正！呢度成個包都好大，且d料好新鮮，雖然差唔多60蚊一個餐(包+薯+飲品)，價錢上同廿幾既老麥就真係無得比。但係佢足料唔hea，塊肉好juicy，廿幾蚊同六十幾蚊，各取所需啦。雙層夏威夷鮮堡：surprise係佢竟然有一大塊菠蘿，本來仲「下菠蘿包?! 得唔得架」(可能真係食開d普通漢堡得蕃茄生菜hahaha)，更surprise既係竟然又夾喎，好fresh唔漏特級牛肉芝士鮮堡：試左幾啖，男朋友話好好食，我就覺得都係我個菠蘿包好食d喇haha跟餐可揀薯角或薯格，對薯角毫無好感既我當然係揀薯格，蠢人揀左薯角薯角擺左一陣就淋哂且本身唔太鹹，據聞好難食hahahaha薯格就幾好，淋左少少都仲維持香口可口我地做了個白痴決定，跟餐已有兩大包薯仔，我地仍然嗌多左個芝士薯波....除左濃左少少，其實個味係ok既，只不過傻仔我倆食完兩包薯角/格後已無胃口再啃...見佢其他包都好似幾吸引，會再去食！

兒子一向是漢堡包的超級粉絲，所以他在港時，我們一家人也會間中去吃頓漢堡包餐。這天星期五放假，見已有一段時間沒有吃過漢堡包，加上 Freshness Burger 有個春分節漢堡餐特價推廣，下午就獨自來到皇室堡排隊買個餐吃。原來這個優惠只限星期一至五，下午兩點後，而且每天只會推出一款漢堡餐，天天不同。由於這套餐價錢相比起平常正價便宜很多，所以人龍頗長，購了票後要自己到櫃位取餐，經過店內厨房，透過玻璃窗看到一張長長的桌面，排滿了一個個漢堡包，而員工就努力地把炸魚柳和生菜不停地放在漢堡上。至於這個星期五的特價餐脆魚鮮堡 ( $20) 材料甚為簡單，只有魚柳、生菜和沙律醬。從賣相來看，感覺還算可以，但拿上手原來個包只是室溫，再咬一口魚柳，脆就係脆，但塊魚柳好薄，醬汁又少，雖然炸得都幾金黃，但食落肉質又唔算十分之鬆脆，而且個包身又唔夠熱，質素明顯比起麥當奴的魚柳包還要遜色。至於個包，話就話加入了南瓜元素，但真係食唔出有南瓜味，加上唔熱係其最大的至命傷，反而薯格香脆可口，新鮮熱辣，口感一流。雖然對這鮮魚堡印象麻麻，到另一個星期四下午，看完醫生後又心思思來試試這天的特價餐吉列明治鮮堡 ( $20)

星期三晚去CWB做facial前要醫肚，突然想食漢堡包，猶疑緊去Burger King還是Freshness，最後還是後者得勝！好耐未來過這間Freshness了，可能weekday晚上食客不多，可以靜靜地享受晚餐。見set抵過單買，點了特級牛肉芝士漢堡餐連薯格和飲品。嘩，那包又大又熱烘烘的薯格極之美味，加上我摯愛的catch up簡直係人間極品！飲品我改了熱飲，原來係Twinings茶包，很高興，點了喜愛的Earl Grey tea。主菜特級牛肉芝士漢堡份量足夠，生菜和番茄一般，牛肉的肉汁豐富，真的有炭燒的牛肉味，同一般的快餐店的漢堡真的沒得比。自己其實很喜歡Triple O和Shake'em Buns的漢堡包，無奈價錢始終較貴。相對來說這兒的價錢較化算，牛肉的質量也不錯，所以值得再來！

同媽咪去銅鑼灣行街街, 行到2點到, 肚餓決定去freshness burger 醫肚。由於優惠餐平過單叫, 知慳識憸的我當然叫二人優惠餐。$88 有兩個burger, 兩個大和風薯格和兩杯汽水。Burger 有幾款可以選擇, 我選了和風肉汁鮮堡, 媽咪要照燒雞肉鮮堡。 一直都好鍾意食freshness burger, 雖然比McDonald, Burger King貴, 不過覺得佢值。freshness burger 話用南瓜籽包, 包軟軟的帶一點甜味, 甜味恰到好處, 不會搶走餡的風頭, 卻能襯起肉的鮮味。先講我的和風肉汁鮮堡, 除了牛肉外, 中間有一層厚厚的蕃茄和芝士, 蕃茄很新鮮, 而且有較減低牛肉的膩感, 令口感更豐富, 牛肉雖不厚, 但有肉汗, 不會太乾。讚!!!照燒雞肉鮮堡媽咪也說很好吃, 雞肉味道好, 加上新鮮生菜, 十分配!!! 和風薯格, 很有薯味, 不過有點過鹹, 減少鹽份味道會更佳!! 雖然太鹹, 都把它掃光了。 喜歡freshness burger 的環境, 帶點西部美國風, 人流不多而且客人不會大聲聊天, 不錯不錯!!

最近老公非常忙碌，根本騰不出時間陪我四出吃飯，所以當我發現有團購網站推出可用 $29 買入 Freshness Burger 價值 $60 的現金券，便決定買一張獨自去偷歡。據說這間鮮堡專門店的產品以新鮮、天然及健康為主導，主要鮮堡餡料是選用 100% 無添加、無激素的澳洲牛肉扒，而部份鮮堡更選用以南瓜蓉製成的新鮮南瓜包，所以很想試試它的出品有多健康。翻查資料，知道這間鮮堡店是在 1992 年由一名日本人創辦，店主本來是建築師，到美國旅遊後，發現所到的咖啡店都沒有漢堡包出售，便萌起開設一家舒適漢堡店的念頭，而第一家店便設在澀谷。初時此店只是一間家庭式店舖，規模很小，店主更需要落手落腳，親自下廚。當年的日本，如果要食物健康，就要犧牲味道，人們只可在健康或美味中二選其一，魚與熊掌，不能兼得。故此，這店店東便開始研究，如何令店裡出品更有益，第一步是推出南瓜麵包、跟著選用無激素牛肉、不含農藥蔬菜等，希望續步替漢堡包這公認的垃圾食物一洗污名。至於今次光顧的銅鑼灣分店，位處於皇室堡一樓，地點並唔算特旺，店舖採用開放式設計，門口有一個櫃檯，內裡裝潢一點也不華麗，以 cafe、休閒的概念為主題，承

最前open rice的團購, 終於試了這間快餐XD先來說這個照燒牛肉鮮堡,南瓜包甜甜香香的,配上新先生菜,感覺清新; 漢堡肉雖然不是厚的, 但對女生而言則是剛剛好,照燒汁也沒有太濃而蓋過牛肉的香味跟餐的還有薯格, 看得出用來炸薯格的油很好, 薯格也很大塊, 比較起KFC的, 這兒的薯格更香呢~

晚上10點幾跟男友食FRESHNESS BURGER今次系第2次食上次食過感覺都唔錯所以再試去到時店員已經開始清潔店內基本冇咩客人是日叫左個2人餐$88包2個包,2份薯格同2杯野飲俾左錢之後就俾左個牌我地等位10-15分鐘就有專人送餐過黎SERVICE不錯食物:吉列明治鮮堡:肉系岩岩炸起既...配埋燒汁同沙律汁很MATCH..很合我口味..LOVE IT和風肉汁鮮堡:男朋友叫既所以我冇試到..不過佢覺得都好味薯格:好過KFC果D..因為冇咁乾整體上都滿意..有機會會再食

早兩日行銅鑼灣時候見到呢間野開佐….見女朋友好想試下…所以今日特登同女朋友食呢間野….lunch時間唔算多人….環境好靜….坐得好舒服….服務又很好….會拎埋過黎俾你…唔洗你企係度等….真好…叫特級雙層牛肉芝士漢堡,雖然食物唔算好特別…但係當見到d配料同牛肉芝士真係好新鮮美味、最緊要係肉汁豐富到….越食越開胃

sep 02, 10喺老銅做完d嘢後,就來醫下肚,提早食dinner,叫咗 : 1) 熱抹茶latte (hk$25)-泡沫都叫滑-抹茶味濃,奶味都有,但唔喺好夠甜,所以有些少澀,唔嚴重,所以無去問佢攞糖-印象中,喜歡starbxxxx嘅抹茶latte 2) 焗煙肉芝士薯皮 (hk$19)-真的熱到飛起-不過焗得有點乾

原本朋友仔想食burger king不過我覺得burger king太熱氣之前又一直想試呢間入到去冇乜人唔知點解長期都冇人環境都ok丫價錢又唔算貴d漢保包同店名一樣好清新,幾鐘意個感覺其他包都好似好heavy咁好鐘意佢個豆付burger食完之後一d都唔覺得滯

很喜歡在這兒外賣午餐，因為都幾好食，但每次都要等好耐，起碼要15至20分鐘，有時都會等到有點不耐煩！芝士漢堡包：麵包邊焗至有少少脆，牛肉富有肉汁。芝士煙肉焗薯皮：鹹鹹的芝士配以可口的薯皮，好滋味！熱柚子茶：味道香濃，熱辣辣，冬天飲後全身都暖晒！價錢：50多元一個午餐，都算幾貴，所以間唔中才食！