影片
更多
2010-11-21
33 浏览
近排行开湾仔及铜锣湾一带，如果想饮茶都会帮衬稻香皇室堡店或者稻香信和广场店，因为稻香集团旗下分店嘅食物、环境、服务、卫生各方面质素都唔错，而且价钱化算，令我对佢有信心!今次又再行开湾仔及铜锣湾一带，大家又想饮茶，之前先后帮衬过富临、稻香皇室堡店同埋稻香信和广场店都唔错!但系我听闻新星铜锣湾店近排重新装修咗，而我又未帮衬过，所以就决定帮衬新星铜锣湾店!我地去到唔驶等就有位啦!新星铜锣湾店系我首次嚟帮衬，总算冇令我失望，各方面质素都唔错，而且价钱化算呀!味道方面，今次2个人叫咗几款点心、1碗叉烧拼鸡米线同埋1碗烧鹅汤米线，味道皆唔错!食物包括1)叉烧拼鸡米线:叉烧肥瘦适中，鸡几入味!米线口感唔错，分量足够!汤味讨好，咸淡适中!(2)烧鹅汤米线:烧鹅入味，皮都几脆!米线口感唔错，分量足够!汤味讨好，咸淡适中!(3)金牌流沙包:金黄色嘅流沙馅一涌而出，够流质，味道香浓讨好!包面够松软!(4)四宝滑鸡扎:材料配搭唔系正宗果款，但系够新鲜同入味!(5)豉汁蒸肉排:肉排够新鲜，口感唔错!豉汁都好惹味!(6)柱侯牛孖筋:牛孖筋蒸得够淋身!酱汁味道讨好!(7)蚝皇鲜竹卷:虾粒同埋蔬菜等馅料都新鲜，水分充
味道方面，今次2个人叫咗几款点心、1碗叉烧拼鸡米线同埋1碗烧鹅汤米线，味道皆唔错!食物包括:
(1)叉烧拼鸡米线:叉烧肥瘦适中，鸡几入味!米线口感唔错，分量足够!汤味讨好，咸淡适中!
(2)烧鹅汤米线:烧鹅入味，皮都几脆!米线口感唔错，分量足够!汤味讨好，咸淡适中!
(3)金牌流沙包:金黄色嘅流沙馅一涌而出，够流质，味道香浓讨好!包面够松软!
(4)四宝滑鸡扎:材料配搭唔系正宗果款，但系够新鲜同入味!
(5)豉汁蒸肉排:肉排够新鲜，口感唔错!豉汁都好惹味!
(6)柱侯牛孖筋:牛孖筋蒸得够淋身!酱汁味道讨好!
(7)蚝皇鲜竹卷:虾粒同埋蔬菜等馅料都新鲜，水分充足!鲜竹皮几嫩，酱汁味道讨好!
环境方面，新星铜锣湾店近排至重新装修过，地方都尚算新净，佢嘅装修设计较为高雅，但系冇乜时代感!佢都几先进架，有引入电脑座位分配系统(电脑票、电视屏幕显示叫号及电脑声音叫号)、自动感应水龙头、自动感应枧液机等先进设备，又设置多部电视机!呢个舖都几大，尚算通透!可惜身处于比较旧嘅楼宇中，有柱多、横梁多及楼底矮等等嘅问题!不过整体都坐得舒适!
服务方面，中规中矩啦，大部分服务员做野都有效率，系埋单耐咗D!如果各个服务员有多D适当嘅笑容就好啦!
卫生方面，碗碟尚算干净，地方企理，洗手间尚算干爽!
抵食方面，星期五下午茶茶位$6，各款点心嘅价钱都大众化，算抵食架啦!
整体来讲，各款点心价钱化算又多选择!至于食物、环境、服务、卫生各方面质素都唔错，值得嚟帮衬呀!
张贴
