影片
更多
2010-10-31
90 浏览
我外家成家人住系观塘果边，同我住得比较远!所以平时每逢长辈生日或者过时过节，全家人至会难得团聚，坐埋一齐食番餐饭庆祝!我地多数帮衬富临，因为富临集团旗下分店嘅食物、环境、服务、卫生各方面质素都唔错，而且价钱化算，令我对佢有信心，我地都帮衬咗几年啰!今次适逢外公生日，咁值得庆祝嘅日子全家当然要聚一聚啦!今次我地一如既往咁嚟到富临观塘店，帮衬咗一围酒席，质素保持水准同样唔错呀!味道方面，今次12个人帮衬燕窝星班宴，味道皆唔错!食物包括1)堂剪童子猪全体:乳猪皮几脆，肉就肥瘦适中!(2)法式焗波士顿龙虾(乌冬底):龙虾壳多肉少，都唔知系咪有员工落格，兼唔新鲜!芝士汁配乌冬就有D格格不入!(3)金珠龙皇翠玉带:各种材料新鲜，味道咸淡适中!(4)玉环瑶柱甫:节瓜同瑶柱味道都唔错，伴碟嘅菜硬咗少少同埋多草青味!(5)鲜蟹肉竹笙烩燕窝:燕窝唔系几似真嘅，调味就唔错!(6)清蒸大海星班:条鱼蒸嘅时间控制得几好，鱼肉离骨又几滑!(7)蚝皇原只鲜鲍扣玉掌(12只):鲍鱼同鹅掌都够淋，调味唔错!分量适中，真材实料!(8)脆皮炸子鸡:皮又香又脆，鸡肉好滑，简直系皮脆肉嫩呀!(9)瑶柱西施炒饭:材料足够，成碗饭
味道方面，今次12个人帮衬燕窝星班宴，味道皆唔错!食物包括:
(1)堂剪童子猪全体:乳猪皮几脆，肉就肥瘦适中!
(2)法式焗波士顿龙虾(乌冬底):龙虾壳多肉少，都唔知系咪有员工落格，兼唔新鲜!芝士汁配乌冬就有D格格不入!
(3)金珠龙皇翠玉带:各种材料新鲜，味道咸淡适中!
(4)玉环瑶柱甫:节瓜同瑶柱味道都唔错，伴碟嘅菜硬咗少少同埋多草青味!
(5)鲜蟹肉竹笙烩燕窝:燕窝唔系几似真嘅，调味就唔错!
(6)清蒸大海星班:条鱼蒸嘅时间控制得几好，鱼肉离骨又几滑!
(7)蚝皇原只鲜鲍扣玉掌(12只):鲍鱼同鹅掌都够淋，调味唔错!分量适中，真材实料!
(8)脆皮炸子鸡:皮又香又脆，鸡肉好滑，简直系皮脆肉嫩呀!
(9)瑶柱西施炒饭:材料足够，成碗饭好惹味!
(10)野菌烧伊面:味道适中，面就太淋!
(11)精美甜品:红豆沙味道够甜，但系同时有焦味!红豆粒分量适中!
(12)合时鲜果盆:西瓜同埋菠萝都够鲜甜!
环境方面，富临观塘店嘅地方太残旧啦!佢嘅装修一D都唔豪华或者高雅!佢亦冇其他酒楼咁先进，冇引入电脑座位分配系统(电脑票、电视屏幕显示叫号及电脑声音叫号)、自动感应枧液机等先进设备，电视机画质都差过人!呢个舖都算几大，可惜有个不足之处，仲系死症，就系身处于旧楼中，柱多、横梁多兼楼底矮，少咗果种气派!
服务方面，不过不失啦，做野算勤快醒目!如果各个服务员有多D适当嘅笑容就好啦!
卫生方面，碗碟好污糟，地方企理，洗手间地下好湿!
抵食方面，星期日晚帮衬$3888包12款菜式、大燕京2支、汽水6罐、杰卡斯红酒1支、12位茶芥及加一服务费，算系咁啦!
整体来讲，呢个燕窝星班宴算抵食!至于食物、环境、服务、卫生各方面质素都唔错，帮衬得过呀!
张贴
