影片
更多
2010-10-09
33 浏览
我外家就住系观塘，平时每逢长辈生日或者过时过节，全家人都会团聚，坐埋一齐食番餐饭庆祝!而我地多数帮衬富临，因为富临集团旗下分店嘅食物、环境、服务、卫生各方面质素都唔错，而且价钱化算，令我对佢有信心!今次适逢外婆生日，咁喜庆嘅日子全家当然要聚一聚啦!最后我地一如既往嚟富临，帮衬咗一围酒席，质素唔错呀!味道方面，今次12个人帮衬富华宴，味道皆唔错!食物包括1)鸿运乳猪件全体:乳猪皮够脆，肉就肥咗D!(2)碧绿珊瑚虾球:各种材料新鲜，仲好入味!(3)玉环瑶柱甫:旧瓜同瑶柱味道唔错，伴碟嘅菜硬咗D同唔入味!(4)金砖百花球:球形嘅系虾球，砖形嘅系炸鲜奶!虾球新鲜，炸鲜奶甜度啱啱好!(5)红烧蟹肉生翅:鱼翅分量算系咁，调味唔错!(6)蚝皇鲍片玉掌:鲍片唔够淋，鹅掌就够淋，调味一样唔错!(7)清蒸沙巴虎班:条鱼蒸得时间啱啱好，鱼肉离骨又够滑!(8)当红炸子鸡:肉质滑，皮够脆，简直系皮脆肉嫩!(9)生炒糯米饭:味道适中，材料足够!(10)鲜菇炆伊面: 味道适中，面就太淋!(11)美点或桃包:我地挑咗桃包!今次莲蓉味道同样唔错，不过染色太红啦，D色素唔健康!(12)精美甜品:红豆沙味道够甜，分量适中!
味道方面，今次12个人帮衬富华宴，味道皆唔错!食物包括:
(1)鸿运乳猪件全体:乳猪皮够脆，肉就肥咗D!
(2)碧绿珊瑚虾球:各种材料新鲜，仲好入味!
(3)玉环瑶柱甫:旧瓜同瑶柱味道唔错，伴碟嘅菜硬咗D同唔入味!
(4)金砖百花球:球形嘅系虾球，砖形嘅系炸鲜奶!虾球新鲜，炸鲜奶甜度啱啱好!
(5)红烧蟹肉生翅:鱼翅分量算系咁，调味唔错!
(6)蚝皇鲍片玉掌:鲍片唔够淋，鹅掌就够淋，调味一样唔错!
(7)清蒸沙巴虎班:条鱼蒸得时间啱啱好，鱼肉离骨又够滑!
(8)当红炸子鸡:肉质滑，皮够脆，简直系皮脆肉嫩!
(9)生炒糯米饭:味道适中，材料足够!
(10)鲜菇炆伊面: 味道适中，面就太淋!
(11)美点或桃包:我地挑咗桃包!今次莲蓉味道同样唔错，不过染色太红啦，D色素唔健康!
(12)精美甜品:红豆沙味道够甜，分量适中!
(13)合时鲜果:西瓜同菠萝够甜，好消暑呀!
环境方面，呢间富临嘅地方太残旧啦!佢嘅装修一D都唔豪华或者高雅!佢亦冇其他酒楼咁先进，冇引入电脑座位分配系统(电脑票、电视屏幕显示叫号及电脑声音叫号)、自动感应枧液机等先进设备，电视机画质都差过人!呢个舖都算几大，可惜有个不足之处，仲系死症，就系身处于旧楼中，柱多、横梁多兼楼底矮，少咗某种气派!
服务方面，不过不失啦，做野算勤快醒目!如果各个服务员有多D适当嘅笑容就好啦!
卫生方面，碗碟超级污糟邋遢，地方算企理，洗手间都整洁!
抵食方面，$3288包13款菜式、嘉士伯啤酒4罐、汽水8罐、德利文加红酒1支、雀片、卡拉OK、12位茶芥及加一服务费，算系咁啦!
整体来讲，呢个富华宴算抵食!至于食物、环境、服务、卫生各方面质素都唔错，帮衬得过啦!
张贴
