影片
更多
2010-10-02
33 浏览
近排行开湾仔及铜锣湾一带，如果系饮茶嘅话，都会帮衬稻香皇室堡店或稻香信和广场店，因为稻香集团旗下分店嘅食物、环境、服务、卫生各方面质素都唔错，而且价钱化算，令我对佢有信心!今次行开九龙湾一带，大家又想饮茶，最后就嚟到稻香九龙湾店啦!我地去到果阵好多人好旺呀，加上我地唔要搭枱，好难空倒张吉枱出来，等位都等成粒钟!稻香九龙湾店系我首次嚟帮衬，结果冇令我失望，质素与其他分店同样唔错呀!味道方面，今次2个人叫咗几款点心、1碗沙姜鸡河粉及1碗沙姜鸡生面，味道皆唔错!食物包括1)沙姜鸡河粉:沙姜鸡味道似普通切鸡!河粉分量多，但系太淋!汤味就适中!(2)沙姜鸡生面:沙姜鸡味道同样似普通切鸡!生面分量虽则较少，但系够爽，好正!(3)日式煎饺子:煎得香口，汤汁味道几惹味!(4)姜汁鸡包仔: 馅料足够，包够松软!(5)家乡酿茄子:煎得好香口，油分就多咗D!(6)皮蛋瘦肉粥:味道好鲜甜，落咗几多料煲，当然都有味精帮助吓啦，正呀!(7)足料碗仔翅:调味唔错!有好多肉丝同粉丝，料算足啦!环境方面，呢间稻香嘅地方都颇为新净，缺点同稻香皇室堡店及稻香信和广场店一样就系冇电视睇!佢嘅装修亦系同其他分店一样，较为富时代
味道方面，今次2个人叫咗几款点心、1碗沙姜鸡河粉及1碗沙姜鸡生面，味道皆唔错!食物包括:
(1)沙姜鸡河粉:沙姜鸡味道似普通切鸡!河粉分量多，但系太淋!汤味就适中!
(2)沙姜鸡生面:沙姜鸡味道同样似普通切鸡!生面分量虽则较少，但系够爽，好正!
(3)日式煎饺子:煎得香口，汤汁味道几惹味!
(4)姜汁鸡包仔: 馅料足够，包够松软!
(5)家乡酿茄子:煎得好香口，油分就多咗D!
(6)皮蛋瘦肉粥:味道好鲜甜，落咗几多料煲，当然都有味精帮助吓啦，正呀!
(7)足料碗仔翅:调味唔错!有好多肉丝同粉丝，料算足啦!
环境方面，呢间稻香嘅地方都颇为新净，缺点同稻香皇室堡店及稻香信和广场店一样就系冇电视睇!佢嘅装修亦系同其他分店一样，较为富时代感同新潮!唔似某些酒楼集团会以豪华、高雅为装修主题去做婚宴生意!或者稻香品牌以食火锅为主，婚宴生意会交俾稻香集团另一个品牌迎囍做啦!
服务方面，不过不失啦，做野算勤快醒目，系埋单耐D!如果各个服务员有多D适当嘅笑容就好啦!
卫生方面，碗碟干净，地方算企理，洗手间都整洁!
抵食方面，茶位、各款点心嘅价钱都大众化，但系比稻香皇室堡店及稻香信和广场店嘅贵!
整体来讲，各款点心够平够又多选择!至于食物、环境、服务、卫生各方面质素都唔错!有耐性等位嘅话就帮衬得过啦!
张贴
