Cafe 1950歐陸餐廳 (已結業)

今晚又做无饭煮妇，本来打算去大围椰林阁，点知已经关门大吉，咁唯有去第二间啦，突然灵光一闪念起美林好似有间新野，咁又去试下啦，美林商场其实喺大围过去好近啫。一入到去个商场，好容易就见到有间咁特别嘅餐厅，但感觉餐厅同呢个屋邨商场有点格格不入。餐厅占地都几大，环境装饰得几有特式，坐位亦好阔落，同埋有好多卡位。打开餐牌，有各国小食，有泰式、韩式、美式、西班牙、德国，总之咩都有少少咁，叫人难以选择。 罗宋汤淡而无味，水一样咁，好失望，仲以为呢啲西餐厅会做得好好添。 泰式炒飞天通菜，味道不错，面豉酱略嫌甜左点，但总括嚟讲炒得好味，好香口，只是份量太少了，$52一碟，得果几两菜。 西班牙海鲜饭，配料都几足，有鱿鱼，虾、青口，番茄味道突出，烩饭软硬适中，吸引。 呢个系推介嘅石头泡菜猪颈肉炒饭，只系泡菜略嫌酸左点，猪颈肉份量也足够，贴近石锅烘一烘，口感更香脆可口，食石锅饭就系最爱佢有嘅饭焦，少少焦而不㶶，口感更佳。西班牙饭同石锅饭都系套餐，新张期内，饮品无限添饮，我地饮左可乐、道地柠檬茶和一杯红茶，总括嚟讲都勉强够饱啦。