料理農務 (已結業)

今日妈妈又来找我食晏啦, 就近近地去PMQ试吓呢一间料理农务啦! 贪佢个名够过瘾, 其实之前经过都想食架喇, 不过一直未有机会...呢间餐厅都唔系咁容易揾架, 佢系住好D里边, 地方唔算大, 但都坐得舒服. 呢度食中菜但系又有酒吧可以饮下野, 今日可能平日啦, 都冇乜人. 我哋叫咗两个LUNCH SET, 头盘叫左醉鸡及怪味虾. 怪味虾的肉质就不太新鲜啦, 不过个味道都几惹味, 麻麻哋辣辣哋咁, 为味蕾带嚟刺激感; 而醉鸡翼都整得唔错, 做到呢个著名上海菜嘅水准.SET会包埋个汤, 今日系黄瓜瘦肉汤, 我深感佢呢个汤应该冇落味精嘅, 要赞啦!两个主菜分别系咕噜肉及葱爆牛肉, 菜式份量好似唔的的骰骰, 但都够我地两个人食架. 咕噜肉系小妹既至爱, 呢度既咕噜肉达到水准, 肉质鲜味, 炸得够松化, 好味! 另外我好欣赏佢加左D黑芝麻系碗饭度, 虽则个味唔会有太大分别, 但碗饭个FEEL唔同哂~另外葱爆牛肉亦要大赞! 呢个葱爆牛肉系用左鲜牛炒, 肉质坚系鲜美, 仲好JUICY, 其实新鲜嘅鲜牛系远比急冻肥牛香牛味嘅! 呢个真系惊喜~仲有绿豆沙糖水, 足料, 唔太甜, 食落够清润, 我钟意呢度