小川屋 (已結業)

是晚同女友去完大球场睇7人榄球决定去大坑揾食，行一圈都未谂到食咩，谂住返铜锣湾时，女友发现尼间系食川菜，睇门口仲以为食串烧都无去望，再睇下MENU价钱又唔贵，即刻就入左去坐试下佢。店内环境干净整洁，店铺细细，有十几个位。样样都几十蚊相信份量都唔会太大，决定叫多几样试下佢，我地两个人叫左四川锅笋、麻辣墨鱼咀、红油抄手、口水鸡(例)、招牌担担面，野饮方面原本系叫薏米豆浆，店员告知买左薏米返黎唔靓，所以无做，最后叫左粟米豆浆。第一样到概系四川锅笋，系凉菜有麻油香咁清清地，店员都有问要唔要的辣油，我地无要到，始终食菜都唔想咁油，食到最后锅笋有小小渣。之后就到麻辣墨鱼咀啦，串烧/炸就试得多，尼种煮法就真系第一次，食落口劲爽口，酱汁亦够麻辣，女友同我都唔舍得食哂，食到最后一粒我个粒唔知系咪有块胶片，店员话应该就唔系，不过都无阻我对尼道𩠌概热爱。红油抄手尼道菜平常如果系我一定唔会叫，系女友想食，但黎到试左系我估唔到咁好味，佢个酱汁甜甜辣辣，味道适中，好正。原本系想叫鸡丝凉面，见佢推介就决定要担担面，叫个阵店员都有提醒我地会比较细碗，我地想试多几样，所以绝不是问题呀，捞面条时有小小麻烦因为碗细细但满哂