一鍋蜂 (已結業)

土瓜湾有好多餐厅选择，唔同菜式都有，今次同朋友来食呢间一锅蜂。一睇menu食物极具特式，而且价钱合理，服务员态度又热情，所以第一印象唔错。最后叫了煎蚝饼，剁椒蒸猪手，乳鸽松同自制臭豆腐。煎蚝饼两面煎的香脆可口，蚝份量十足，每一啖都可以食到肥嫩的蚝肉，而且无腥味，点埋酱汁十分惹味。猪手好大块，猪皮焖到香软，皮下有适当的脂肪同筋肉位，肉又松化，口感弹牙够胶质。剁椒的椒香同猪手味道合二为一，好食。乳鸽肉加上松子，松香爽脆，生菜新鲜，加在一起食鲜咸清爽，酸香微辣，味道适口。估唔到餐厅都有臭豆腐食，新鲜炸起，火候掌握得好，外皮够酥脆又唔会太干，里面的豆腐可以保持到香嫩的口感，配上自制酱汁，味道浓郁。