稻香 (青衣城1)

营业中

休息中

周六去到青衣城睇戏，因为好耐冇饮过茶，所以都试下等位。12点零钟，等位嘅人都几多，叫位就以细枱、搭枱为主，最终我地等左半个钟左右。因为喺门外已经画定点心纸，入座就即时递纸，点心唔会话要等好耐。毕竟都系连锁茶楼，其实点心嘅质素应该都差唔多，不过唔知系肚饿定点，是日嘅点心冇平时嘅稻香咁差，大部分都可以接受。点左珍珠鸡，里面有一大旧肥猪膏，怕太肥腻所以就夹开冇食。烧卖油份较重，不过大虾都几爽口。牛肉球4大粒唔贵，奶黄卷松软，曾经都买过佢地嘅现成包、卷番屋企自己蒸，平平地几好食。虾饺皮都唔会好厚，虾肉爽口。肠粉曳啲，一夹就散哂，叉烧质素一般。菠萝包都合格，酥脆包皮，因为加热左，食落唔硬。去酒楼唔少得要点几款炸物，炸鱿鱼须虽然贵少少，但起码系即炸，都几脆。咸水角都系正正常常。第一次饮呢度嘅稻香，又系周六，又坐左房入面，唔系好多呀姐招呼，传菜姐姐唔收碟收笼，明白，咁总得有个人去做，张枱已经唔系大，放几个点心，都逼爆。by the way，枱布唔知咩问题，好大布碎粒，我地著黑色衫嘅朋友都濑哂野，hi到件衫一粒粒白色点。