重慶二姐火鍋 (已結業)

秋风正起，即是话又系打边炉嘅季节，又嚟到我最爱嘅火锅店；无论试过几多间，到最后依然觉得二姐系最好食。已经嚟过好几次，对上一篇二姐食评我略厌唔够详细，我真系好想大家可以试吓咩叫真正好食嘅麻辣火锅。二姐嘅火锅配料并唔系街市求其执一袋返屋企打边炉嘅货色：汤底一贯麻辣味浓，牛油香十足；药材清汤鲜甜。由于本人不嗜牛食，所以通常打边炉肉食均以鸡猪取代。平时打边炉嘅丸类我通通唔叫，因为所谓嘅猪肉丸咪又姐系贡丸，芝心丸咪又姐系啲化学鱼蛋，但考虑到友人都要食肉嘅关系，我地叫莞茜猪肉丸，猪肉肠同黑豚肉。莞茜猪肉丸莞茜味超级香，松化嘅猪肉，唔弹牙因为真系用肉搓出嚟成丸状。猪肉肠质感类似台湾肠，爽脆为主。呢到嘅向铃系新鲜即炸，新鲜还新鲜，即炸还即炸，系两回事嚟，坊间有太多话自己即炸嘅向铃只不过买现成拎去翻炸就话自己新鲜即炸，一试就试得出系现成货；但二姐嘅向铃每一旧都脆卜卜大大件，无油益味，一浸落汤索晒汤底嘅牛油香。红薯粉亦系必叫，比起其他粉类佢充份吸收晒汤汁嘅精华。两个人食咗五百蚊松啲，我真系食足五百蚊嘅价值。依加好多餐厅好似攞正牌Hea你咁，收到你贵一贵但用一般货色加少少Gimmick就排晒长龙，根本唔忧无