鳴越越式料理

营业中

休息中

今日系中环睇完医生，喺附近谂住揾间餐厅食下午茶。点知行行吓发现有间系地库嘅越式餐厅价钱合理，选择都好多，仲有下午茶餐添，所以就胆粗粗入嚟试一试。我同朋友每人叫左一个汤粉。识食梗系食生牛肉汤河啦。另外再叫咗个香茅猪扒汤蒙。两个汤粉汤底都试出完全都系冇味精嘅汤底。因为我哋两个都未食lunch，所以见到有个升级优惠、平平哋加左一个越式炸虾饼同埋炸春卷。虽然平平哋，但系质素都好好，炸出嚟热辣辣、香喷喷，虾饼够烟靱、春卷外脆内软包埋生菜食简直系一流。另外特色饮品都系加＄6，我叫左个金橘青柠梳打，好欣赏！因为佢冇另外再加糖水完全系金桔加梳打水，好天然嘅感觉。