奧壽司

营业中

休息中

去到数码港咁远睇戏，梗系食番餐先走，见到成个商场得呢间日本料理人头拥拥，应该有好野食! 店内已经坐满9成，幸好仲有一张二人枱。呢个特上刺身拼盘非常吸睛，有十款精选刺身，款款都好靓，680蚊。牡丹虾好大只，好鲜甜，带子刺身超巨型，一粒分六份都得，非常厚肉。油甘鱼非常厚切，肥美。三文鱼籽用柠檬汁捞过，好脆好甘香，多一份清新感觉。金目鲷有抢眼嘅鲜红色，肉质新鲜。主角toro 好大旧，充满粉红色油花，入口即溶，满口toro 油脂香，朋友都食到笑逐颜开，非常正!三文鱼腩，肥美如图。要食d 热野喇，牛油焗帆立贝，68蚊有四大只，好抵食，好香牛油味，肉质爽甜。牛肉火锅128蚊，放满新鲜蔬菜，配带甜嘅酱油汤底同日本鸡蛋，牛肉份量好多，肉味浓，质感嫩滑，点蛋浆食真系无得顶，一d 都无得留低。每人四百几蚊，可以叹到咁多款新鲜刺身，水准绝对不能同放题质素相题并论，服务环境亦相当休闲，可以慢慢食慢慢倾计嘅好地方。