影片
更多
2018-05-04
64 浏览
“Omakase”呢个名称相信绝对唔会感到陌生，近几年都多左好多呢类型既餐厅出现，平既几百蚊一位，贵价既去到接近二千蚊一位都有，但讲到性价比高 ”道鮨”可以话系值得一提，系铜锣湾地段一个set $1200 真系相对算系合理，环境同装修都算舒适，虽然话野食既味道唔算话十分惊喜 但绝对系非常新鲜。Omakase从来都系一件好考心机同功夫既事情，师傅要系时间同质素之间取一个平衡，有时多人起上黎 可能同时要serve几枱客人。好彩今日上到黎，人流唔算多 师傅可以更好控制时间同介绍每一碟菜式。今日食物既顺序编排得好舒服，首先有芝麻豆腐，玉子烧同樱花虾油菜作为前菜 三者都属于淡口既 味道亦不过不失。刺身部分真鲷、深海池鱼都有一片鱼腩同一片鱼背 可以一次试晒两种唔到既口感，真鲷较为口感丰富 油份亦比较重。下一道刺身系酱烧贝，师傅用火枪轻轻炙一炙带子既表面 再用一块海苔包住，所以口感系外脆内软既。 北海道牡丹虾 钟意食虾既朋友一定会好满足 虾十分之饱满 鲜味亦够 师傅会将虾头亦整成天妇罗 唔会浪费每一个部分。接落黎就系一堆手握既寿司 (石鲷，小肌鱼，甲鱿鱼海胆，左口鱼裙边，𫚕鱼，赤贝，毛蟹，海胆 以及
Omakase从来都系一件好考心机同功夫既事情，师傅要系时间同质素之间取一个平衡，有时多人起上黎 可能同时要serve几枱客人。好彩今日上到黎，人流唔算多 师傅可以更好控制时间同介绍每一碟菜式。
今日食物既顺序编排得好舒服，首先有芝麻豆腐，玉子烧同樱花虾油菜作为前菜 三者都属于淡口既 味道亦不过不失。
刺身部分真鲷、深海池鱼都有一片鱼腩同一片鱼背 可以一次试晒两种唔到既口感，真鲷较为口感丰富 油份亦比较重。下一道刺身系酱烧贝，师傅用火枪轻轻炙一炙带子既表面 再用一块海苔包住，所以口感系外脆内软既。 北海道牡丹虾 钟意食虾既朋友一定会好满足 虾十分之饱满 鲜味亦够 师傅会将虾头亦整成天妇罗 唔会浪费每一个部分。
接落黎就系一堆手握既寿司 (石鲷，小肌鱼，甲鱿鱼海胆，左口鱼裙边，𫚕鱼，赤贝，毛蟹，海胆 以及 大拖罗) 当中最讨我欢心既莫过于系左口鱼，入口即溶既口感 满口鱼油既香 真系令人回味。
食完种种味道相对浓既菜式之后，师傅端出毛蟹蒸蛋，中和返成个感觉 但略厌蟹既味道唔够突出。下一道菜亦系味道比较淡身既蚝，师傅话蚝系黎自兵库县既赤穗蚝 味道会相对其他品种既蚝淡口少少 但会比较脆身同饱满 。
去到最后一道菜 立鱼汤乌冬，本身只系汤 乌冬系师傅特意加落去既，汤出色既 好浓郁既鱼味，但乌冬挂汤比较少同淋左少少 有画蛇添足既感觉。最后师傅用”木瓜蜜瓜”为呢餐画上一个句号，”木瓜蜜瓜”系一个基因改造既品种 有木瓜既口感 但味道系蜜瓜既味道，感觉都几有趣。
正打算离开既时候，呢到既主厨突然话请我地饮一杯用人参酿既酒，40%浓既酒阿，我地呢啲平时饮开啤酒既人真系俾佢吓一吓，但佢地既热情友善真系值得加分。
成个omakase历时3个钟头左右，但望住师傅既手艺 时间不知不觉就过左去，呢3个钟亦同师傅上左一堂 学到好多野。
张贴
