影片
更多
2018-05-29
433 浏览
最近都成日好懒唔想煮饭，可能又开始热啦⋯⋯ 等大少收工后，就出去揾埋佢一齐食饭啦！大少话想试呢间天机栈几次，但上两次同朋友过嚟walk in都满哂，佢哋又唔想等，所以一直都无食到。呢晚就book定位去食啦！上到去刚刚有位，估唔到先七点零已经咁full ！我哋懒到死，所以决定就叫set dinner，$188 set都几吸引呀！头盘之前有个小食，我就拣咗大虾，大少就拣咗鹅肝。两样都唔错，尤其只虾，热辣辣，味道都几好呀！头盘呢，我拣咗Ceasar Salad而大少就拣咗田螺薯蓉。个沙律我哋极速KO咗，而个田螺就MINI咗少少，所以都好快就食完喇～之后就嚟咗个汤，系龙虾汤，但味道偏淡，店员一见到我饮几口后就无饮都立即过嚟问我系咪个汤有咩问题。我觉得啲服务态度真系好好，好贴心 。佢都话要唔要同我转另一个汤，但因为我都唔系好饿，所以就无转喇！Main Course方面，我同大少就猪牛各一，可以Share嘛～ 西冷系8安士，我哋叫medium，切开都无失望嘅。而个黑毛猪配苹果茸都好唔错，外面煎得好香而内里都好juicy ，如果多啲苹果茸就更好！我哋有两个餐，所以可以三样甜品拣两款。当然就拣心太软同
上到去刚刚有位，估唔到先七点零已经咁full ！我哋懒到死，所以决定就叫set dinner，$188 set都几吸引呀！
头盘之前有个小食，我就拣咗大虾，大少就拣咗鹅肝。两样都唔错，尤其只虾，热辣辣，味道都几好呀！
头盘呢，我拣咗Ceasar Salad而大少就拣咗田螺薯蓉。个沙律我哋极速KO咗，而个田螺就MINI咗少少，所以都好快就食完喇～
之后就嚟咗个汤，系龙虾汤，但味道偏淡，店员一见到我饮几口后就无饮都立即过嚟问我系咪个汤有咩问题。我觉得啲服务态度真系好好，好贴心 。佢都话要唔要同我转另一个汤，但因为我都唔系好饿，所以就无转喇！
Main Course方面，我同大少就猪牛各一，可以Share嘛～ 西冷系8安士，我哋叫medium，切开都无失望嘅。而个黑毛猪配苹果茸都好唔错，外面煎得好香而内里都好juicy ，如果多啲苹果茸就更好！
我哋有两个餐，所以可以三样甜品拣两款。当然就拣心太软同法式焦糖炖蛋啦，食到咁饱好在甜品唔会太大份，唔怕食唔哂～ 心太软都系流心㗎！好好味！讲真，呢个价钱就有咁多嘢食，服务又真系好周到，唔怪得咁多人帮衬呀～
张贴
